ۆاكسينا الۋشىلار اراسىندا 2 بولمەلى پاتەر ۇتىسقا تىگىلدى
«كوروناۆيۋرسقا قارسى ۆاكسينالاۋ جۇمىستارى جالعاسۋدا. بۇگىندە ءبىرىنشى كومپونەتپەن 57800، ەكىنشى كومپونەنتپەن 33350 ادام ەگىلدى. ونىڭ ىشىندە دەنساۋلىق ساقتاۋ سالاسى 99 پايىزعا، قۇقىق قورعاۋ ورگاندارىنىڭ قىزمەتكەرلەرى 100 پايىزعا ۆاكسينالاندى»، - دەدى سەرىكباي ترۇموۆ ۇكىمەت وتىرىسىندا.
اكىمنىڭ سوزىنە قاراعاندا، ۆاكسينالاۋ جۇمىستارىن ودان ءارى كۇشەيتۋ ءۇشىن ارنايى شتاب قۇرىلىپ، باسقا دا ساناتتار بويىنشا ناقتى جۇمىستار جۇرگىزىلىپ جاتىر.
«جۇرگىزىلگەن جۇمىستاردىڭ ناتيجەسىندە وسى ايدىڭ ءبىرىنشى ونكۇندىگىندە ءبىرىنشى كومپونەنتپەن 3454 ادام ەگىلسە، ەكىنشى ونكۇندىكتە 5128 گە دەيىن ءوستى. سوڭعى اپتادا 8 مىڭعا جۋىق ادام ەكپە الدى. ءبىلىم بەرۋ جۇيەسىندە ۆاكسينا العان قىزمەتكەرلەردىڭ ۇلەسى 38 دەن 45 پاىزعا دەيىن جەتكىزىلدى. جاڭا وقۋ جىلىنا دەيىن سالانىڭ بارلىق قىزمەتكەرلەرى ەكپە جۇمىسىن اياقتايدى. سونىمەن بىرگە قۇرىلىسى كومپانيالارىنىڭ قىزمەتكەرلەرىن ۆاكسينالاۋ كەستەسى بەكىتىلدى. حالىقتى ۆاكسينالاۋ ءۇشىن جىلجىمالى بريگادالاردىڭ جۇمىسى جانە اۋىلدى جەرلەردە ۇيلەردى ارالاۋ ارقىلى اقپاراتتىق ءتۇسىندىرۋ جۇمىستارى كۇشەيتىلدى»، - دەدى وبلىس باسشىسى.
ءتۇسىندىرۋ جۇمىستارىنان بولەك، اپتا سايىن ءتۇرلى باعالى زاتتار ۇتىسقا تىگىلۋدە. اراسىندا ءتىپتى پاتەر دە بار.
«حالىقتى ۆاكسينا الۋعا ىنتالاندىرۋ ءۇشىن وڭىردە 22-ماۋسىمنان باستاپ باستى جۇلدە - اقتاۋ قالاسىنداعى ەكى بولمەلى پاتەرگە ۇتىس ويىنى جاريالاندى. ۆاكسينا الۋشىلار قارقىنىن ارتتىرۋ ءۇشىن اپتا سايىن تۇرمىستىق تەحنيكا، سمارتفوندار، توڭازىتقىشتار، تەلەديدار سياقتى باعالى سىيلىقتار ويناتىلىپ تۇرادى. جەڭىمپازدار ارنايى قۇرىلعان سايت ارقىلى تىكەلە ەفيردە انىقتالادى»، - دەدى ماڭعىستاۋ وبلىسىنىڭ اكىمى.
اۆتور: ەسىمجان ناقتىباي
