جاڭا باعدارلاما اياسىندا 29 مىڭ پاتەر بەرىلەدى
«بىزدەرگە 2015 - جىلى 92 ميلليارد، 2016 - جىلى 52 ميلليارد تەڭگە بولىنەدى. وسىلايشا، ۇلتتىق قوردان 145 ميلليارد تەڭگە بەرىلەدى. ءبىز وسى باعدارلاما بويىنشا، 2020 - جىلعا دەيىن قارجىلاندىرۋ سوماسىن 250 ميلليارد تەڭگەگە جەتكىزەمىز»، - دەدى ول.
ونىڭ ايتۋىنشا، مۇنداي ناتيجەگە جالداۋ قۇنى ەسەبىنەن قول جەتكىزىلەتىن بولادى.
«سونىمەن قاتار، ءبىز سومانى قايتا قارجىلاندىرىپ وتىرامىز. بۇعان قوسا، قازاقستاندىق يپوتەكالىق كومپانيا قور نارىعىنان ونىڭ ىشىندە ءبىرىڭعاي جيناقتاۋشى زەينەتاقى قورى اياسىنان دا زايمدار تارتادى»، - دەدى ق. بيشىمبايەۆ.
حولدينگ باسشىسىنىڭ ايتۋىنشا، وسىنداي شارالاردىڭ ارقاسىندا 2020 - جىلعا دەيىن جالپى اۋماعى 1,4 ميلليون شارشى مەتردى قۇرايتىن 29 مىڭ پاتەر پايدالانۋعا بەرىلەدى.
جاڭا باعدارلاما اياسىندا جالعا بەرىلەتىن پاتەرلەردىڭ ورتاشا قۇنى 52 مىڭ تەڭگەنى قۇرايدى.
«استانا مەن الماتىدا جالعا بەرىلەتىن پاتەرلەردىڭ ورتاشا باعاسى سالىقتاردى قوسپاعاندا 52 مىڭ تەڭگەنى قۇرايدى. ياعني، ازاماتتار 50 شارشى مەترلىك باسپاناعا اي سايىن 52 مىڭ تەڭگە تولەپ تۇراتىن بولادى»، - دەدى ق. بيشىمبايەۆ.
ونىڭ ايتۋىنشا، جاڭا تۇرعىن باعدارلاماسى اياسىندا پايدالانۋعا بەرىلەتىن پاتەرلەردىڭ اۋماعى ءۇش بولمەلىك 80-85 شارشى مەتردەن اسپايتىن بولادى. ال ەكى بولمەلى پاتەرلەر 50-55, 1 بولمەلى پاتەرلەر شامامەن 35-40 شارشى مەتردى قۇرايدى.
ق. بيشىمبايەۆ ءوز سوزىندە مەملەكەت باسشىسىنىڭ تاپسىرماسىنا سايكەس قولعا الىنىپ جاتقان تۇرعىن ءۇي باعدارلاماسىندا باستاپقى جارنا بولمايتىندىعىن باسا اتاپ ءوتتى.
«جالعا الۋ مەرزىمى 20 جىلدى قۇرايدى. وسىلايشا، جاڭا باعاعا سايكەس ءبىز قۇرىلىس قۇنىن استانا مەن الماتىدا شارشى مەترىن 185 مىڭ تەڭگەدەن بەلگىلەۋدەمىز. ال ەگەر بىزدەر دايىن نە بولماسا قۇرىلىسى اياقتالۋعا جاقىن ۇيلەردى ساتىپ الار بولساق، وندا ورتاشا قۇنى شامامەن 200 مىڭ تەڭگە بولادى»، - دەدى ول.
ونىڭ ايتۋىنشا، ەلىمىزدىڭ باسقا وڭىرلەرىندەگى باسپانانىڭ شارشى مەترى 150 مىڭ تەڭگەنى قۇرايدى. دەگەنمەن، «بايتەرەك» دايىن نەمەسە قۇرىلىسى بىتۋگە تاقاۋ ۇيلەردى ساتىپ الار بولسا، وندا شەكتى باعاسى 165 مىڭ تەڭگە دەڭگەيىندە بولادى.
«ءبىز جەلتوقسان ايىنان باستاپ بارلىق وڭىرلەرمەن، جەرگىلىكتى اتقارۋشى ورگاندارمەن جۇمىستار جۇرگىزدىك. 2015 - جىلدىڭ ناۋرىز- ساۋىرىندە باعدارلامانى جانە پرەزيدەنت تاپسىرماسىن ورىنداي باستاۋعا مۇمكىندىك بار. ياعني، ازاماتتارعا جالعا پاتەرلەردى بەرە باستايمىز»، - دەدى ق. بيشىمبايەۆ.
