17:44, 25 - تامىز 2015 | GMT +5
ەلباسى: ۇلت جوسپارىن جۇزەگە اسىرۋ بويىنشا 29 زاڭ جوباسى 1 -قىركۇيەكتە پارلامەنت قاراۋىنا ەنگىزىلەدى
استانا. قازاقپارات - بۇگىن قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن جاڭعىرتۋ جونىندەگى ۇلتتىق كوميسسيانىڭ وتىرىسى ءوتتى، دەپ حابارلايدى اقوردانىڭ باسپا ءسوز قىزمەتىنەن.

جيىندا بەس ينستيتۋتسيونالدىق رەفورمانىڭ جۇزەگە اسىرىلۋ بارىسى تۋرالى ەسەپ تىڭدالدى.
مەملەكەت باسشىسى جاڭعىرتۋدىڭ ءاربىر بولىگى بويىنشا ناقتى قادامدار كوزدەلگەنىن اتاپ ءوتتى.
- بۇگىنگى تاڭدا كوميسسيا ۇلكەن جۇمىس اتقاردى. ءبىز قولدانىستاعى زاڭناماعا وزگەرىس ەنگىزۋگە باعىتتالعان اكتىلەردىڭ جوباسىن تىڭعىلىقتى قاراۋدى قاجەت ەتەتىن كەزەڭگە كەلىپ جەتتىك. قازىردىڭ وزىندە 57 زاڭ جوباسى ازىرلەندى، سونىڭ 29 ىن ۇكىمەت 1 -قىركۇيەكتە پارلامەنتتىڭ قاراۋىنا ەنگىزەدى، - دەدى قازاقستان پرەزيدەنتى.
وتىرىس قورىتىندىسى بويىنشا مەملەكەت باسشىسى ءبىرقاتار ناقتى تاپسىرما بەردى.