قازاقستان-رەسەي شەكاراسىنداعى 27 وتكىزۋ پۋنكتىنىڭ اۋماعى كەڭەيتىلەدى
«قازاقستان-رەسەي شەكاراسىنداعى 27 وتكىزۋ پۋنكتىنىڭ اۋماعىن كەڭەيتۋ، قولدانىستاعى عيماراتتار مەن قۇرىلىستاردى جاڭعىرتۋ، جاڭا جابدىقتارمەن، ونىڭ ىشىندە ستاتسيونارلىق 2 ينسپەكتسيالىق تەكسەرۋ كەشەنىمەن (Rapiscan Eagle جانە ت. ب.) جابدىقتاۋ، ءتولقۇجات بويىنشا تەكسەرۋ كابينالارىنىڭ سانىن ۇلعايتۋ، قوزعالىس جولاقتارىن كەڭەيتۋ (ىسكە اسىرۋ مەرزىمى 2025-جىلعا دەيىن) كوزدەلگەن»، - دەپ جازدى ۇكىمەت باسشىسى.
رەسمي مالىمەت بويىنشا قازاقستانعا تيەسىلى شەكارا ماڭىنداعى وتكىزۋ پۋنكتتەرىندە 44 ينسپەكتسيالىق تەكسەرۋ كەشەنى جۇمىس ىستەيدى.
«سونىمەن قاتار، ءبىرقاتار جابدىقتار ەسكىرگەن جانە 10 جىلدان استام ۋاقىت جۇمىس ىستەپ كەلەدى (ال قندىرۋشىلەر جابدىقتىڭ جۇمىسىنا 10 -جىلعا دەيىن عانا كەپىلدىك بەرەدى). تەحنيكالىق باقىلاۋ قۇرالدارى ىستەن شىققان كەزدە قىزمەت كورسەتەتىن سەرۆيستىك كومپانيالار قاجەتتى رەگلامەنتتىك جۇمىستاردى، ىستەن شىققان قوسالقى بولشەكتەردى اۋىستىرۋدى جانە اۆاريالىق-قالپىنا كەلتىرۋ جۇمىستارىن جۇرگىزەدى»، - دەلىنگەن پرەمەر-ءمينيستردىڭ جاۋابىندا.
