پرەزيدەنت تالقىلاۋعا شىعارعان جوباعا قاتىستى ۇسىنىستار 26 - اقپانعا دەيىن قابىلدانادى
استانا. قازاقپارات - ق ر پرەزيدەنتى بۇكىل حالىقتىق تالقىلاۋعا شىعارعان قازاقستان رەسپۋبليكاسىنىڭ كونستيتۋتسياسىنا وزگەرىس ەنگىزۋگە قاتىستى ۇسىنىستار 26 - اقپانعا دەيىن قابىلدانادى. بۇل تۋرالى اقوردانىڭ باسپا ءسوز قىزمەتىنىڭ تاراتقان اقپاراتتىق حابارلاماسىندا كورسەتىلگەن.
«قازاقستان رەسپۋبليكاسىنىڭ ازاماتتارى مەن مەكەمەلەرىنىڭ نازارىنا مەملەكەت باسشىسى بۇكىل حالىقتىق تالقىلاۋعا شىعارعان «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىنا قاتىستى ۇسىنىستار 2017 - جىلعى 26 - قاڭتاردان 2017 - جىلعى 26 - اقپانعا دەيىن مىنا مەكەنجايدا قابىلدانادى: 010000, استانا قالاسى، ەسىل اۋدانى، ۇكىمەت ءۇيى، قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك قۇقىق ءبولىمى، ەلەكتروندىق پوشتا- ap2017@akorda.kz» ، - دەلىنگەن حابارلامادا.
بۇعان دەيىن رەسمي ب ا ق- تا كونستيتۋتسياعا وزگەرىستەر ەنگىزۋ جوباسى جاريالاندى.
ايتا كەتەيىك، كەشە ق ر پرەزيدەنتى نۇرسۇلتان نازاربايەۆ وتاندىق تەلەارنالار ارقىلى بيلىك تارماقتارى اراسىندا وكىلەتتىكتەردى ءبولۋ ماسەلەلەرى جونىندەگى ۇندەۋىن جاريا ەتتى. وندا پرەزيدەنتتىڭ الەۋمەتتىك- ەكونوميكالىق پروتسەستەردى رەتتەۋدەگى ءبىرشاما وكىلەتتەرىن ۇكىمەتكە جانە باسقا دا اتقارۋشى ورگاندارعا بەرۋ، ۇكىمەتتى جاساقتاۋدا پارلامەنتتىڭ ءرولىن كۇشەيتۋ قاراستىرىلعان.
