ۇ ب ت-نىڭ ەكىنشى كۇنى: 261 تالاپكەر ەرەجە بۇزدى، 19 بالانىڭ قىزۋى كوتەرىلدى
22-ماۋسىم كۇنى رەسپۋبليكا مەكتەپتەرىندە ۇ ب ت- عا 9478 تالاپكەر قاتىسقان. ونىڭ 2,7 پايىزى نەمەسە 261 ى ەرەجە بۇزىپ، اۋديتوريادان شىعارىلدى. 19 تالاپكەردىڭ نەمەسە 0,2 پايىزىنىڭ دەنە قىزۋى كوتەرىلگەن. ناتيجەسىندە 9,5 مىڭعا جۋىق بالانىڭ 6553 ى نەمەسە 69,1 پايىزى شەكتى بالدى جيناي الدى. ال 58 تالاپكەر (%0,6) - 130 باللدان جوعارى كورسەتكىشكە قول جەتكىزدى.
ايتا كەتەيىك، ۇ ب ت ەرەجەسىن بۇزىپ، بيىل تەست تاپسىرۋ مۇمكىندىگىنەن ايىرىلعان تۇلەكتەر قاڭتار ايىنداعى تەست سەرتيفيكاتىن پايدالانا الادى.
«دوستار، ەگەر ءسىز ۇ ب ت- نى 2020 -جىلدىڭ قاڭتارىندا تاپسىرىپ، شەكتى بالل جيناعان بولساڭىز، سول سەرتيفيكاتپەن ج و و- عا اقىلى نەگىزدە تۇسە الاسىز. ويتكەنى زاڭنىڭ كەرى كۇشى بولمايدى، ءتىپتى ماۋسىم ايىنداعى تەستىلەۋگە كىرمەسەڭىز نەمەسە ماۋسىمداعى ۇ ب ت ناتيجەڭىز جويىلعان بولسا دا، قاڭتار ايىنىڭ ۇ ب ت سەرتيفيكاتى جارامدى بولىپ قالا بەرەدى»، - دەيدى تەستىلەۋ ورتالىعى Facebook پاراشاسى ارقىلى.
ەسكە سالايىق، تەستىلەۋدىڭ العاشقى كۇنى 6186 ادام قاتىسىپ، 164 تالاپكەر بيىل تەست تاپسىرۋ مۇمكىندىگىنەن ايىرىلدى. بيىلعى ۇ ب ت ەلىمىزدىڭ بارلىق وڭىرىندە 21-ماۋسىم مەن 5-شىلدە ارالىعىندا وتەدى.
اۆتور: ايجان سەرىكجان قىزى
