15:18, 03 - ماۋسىم 2017 | GMT +6
اقوردا ق ر مەملەكەتتىك رامىزدەرىنىڭ 25 جىلدىعىنا ارنالعان ارحيۆتىك ۆيدەو جاريالادى
استانا. قازاقپارات - اقوردانىڭ باسپا ءسوز قىزمەتى ءوزىنىڭ Facebook-تەگى پاراقشاسىندا قازاقستان رەسپۋبليكاسى مەملەكەتتىك رامىزدەرىنىڭ 25 جىلدىعىنا ارنالعان ارحيۆتىك ۆيدەونى جاريالادى، دەپ حابارلايدى قازاقپارات.
«بيىل قازاقستان مەملەكەتتىك تۋى مەن ەلتاڭباسىنىڭ 25 جىلدىعىن اتاپ وتەدى. 1992-جىلعى 4- ماۋسىمدا مەملەكەت باسشىسى قازاقستان رەسپۋبليكاسى جوعارى كەڭەسىنىڭ ون ەكىنشى شاقىرىلىمى VIII سەسسياسىنىڭ پلەنارلىق وتىرىسىنا قاتىستى.
ونىڭ جۇمىسى بارىسىندا قازاقستان رەسپۋبليكاسى مەملەكەتتىك رامىزدەرىن - مەملەكەتتىك تۋ مەن ەلتاڭباسى قارالىپ، بەكىتىلدى»، - دەلىنگەن روليكتىڭ استىنداعى جازبادا.
اتالىپ وتىلگەندەي، نۇرسۇلتان نازاربايەۆ ءدال وسى كۇنى «قازاقستان رەسپۋبليكاسىنىڭ مەملەكەتتىك تۋى تۋرالى»، «قازاقستان رەسپۋبليكاسىنىڭ مەملەكەتتىك ەلتاڭباسى تۋرالى»، «قازاقستان رەسپۋبليكاسىنىڭ مەملەكەتتىك ءانۇرانىن مۋزىكالىق رەداكتسيالاۋ تۋرالى» زاڭدارعا قول قويدى.
ارحيۆتىك ۆيدەوعا ق ر جوعارى كەڭەسىنىڭ ەستەلىك وتىرىسىنداعى كادرلار ەنگەن.