قازاقستاندا اسكەري قىزمەتشىلەردىڭ جالاقىسى 25 پايىزعا ارتادى
بۇل تۋرالى بۇگىن اقوردادا ەلىمىزدىڭ تىنىشتىعىن، وتانىمىزدىڭ جەرىن، شەكاراسىن قورعاۋ ءۇشىن قىزمەت ەتىپ جۇرگەن ءبىرقاتار اسكەري قىزمەتشىنى مەملەكەتتىك ناگرادامەن ماراپاتتاۋ بارىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.
«تاۋەلسىزدىگىمىزدىڭ 25 جىلدىعىنىڭ جانە قارۋلى كۇشتەردىڭ 25 جىلدىعىنىڭ قۇرمەتىنە وراي مەن قورعانىس مينيسترلىگىنىڭ، ۇلتتىق قاۋىپسىزدىك قىزمەتىنىڭ، ۇلتتىق گۆارديانىڭ جانە مەملەكەتتىك كۇزەت قىزمەتىنىڭ اسكەري قىزمەتشىلەرىنىڭ لاۋازىمدىق جالاقىلارىن ءبىرىنشى شىلدەدەن باستاپ 25 پايىزعا كوتەرۋ تۋرالى شەشىم قابىلدادىم»، - دەدى ەلباسى سالتاناتتى شارا بارىسىندا.
مەملەكەت باسشىسى بۇگىنگى ماراپاتتالعالى وتىرعان اسكەري قىزمەتشىلەر وزدەرىنىڭ ازاماتتىق، اسكەري پارىزدارىن ابىرويمەن اتقارىپ جۇرگەندەرىن جانە ولاردىڭ ءار ءىسى مەن ەرلىگى كەلەر ۇرپاققا ۇلگى-ونەگە ەكەندىگىن باسا ايتتى.
«كەز كەلگەن تاۋەلسىز مەملەكەتتىڭ قارۋلى كۇشىنىڭ، قۇقىق قورعاۋ ورگاندارىنىڭ بولۋى قاجەت ەكەندىگىن بىلەمىز. سوندىقتان مەملەكەت قيىندىقتارعا قاراماستان اسكەري قىزمەتشىلەردىڭ ماتەريالدىق-تەحنيكالىق بازاسىن كۇشەيتۋ جانە جاعدايلارىن جاساۋ ءۇشىن بارلىق شارانى قابىلداپ وتىرادى»، - دەپ اتاپ ءوتتى نۇرسۇلتان نازاربايەۆ.
