قازاقستاننىڭ 23 جۇك كولىگى ۋكراينا تەرريتورياسىنان شىقتى
تاعى 7 جۇك كولىگى پولشا شەكاراسىندا تۇر. 26 جۇك كولىگى ۋكراينانىڭ ورتالىق جانە شىعىس ايماقتارىندا قالىپ وتىر. ول جۇرگىزۋشىلەرگە دە قولداۋ كورسەتىلىپ جاتىر.
ەستەرىڭىزگە سالا كەتەيىك، بۇعان دەيىن ق ر ي ي د م- دە حالىقارالىق جۇك تاسىمالىندا تۋىنداعان ماسەلەلەر بويىنشا جەدەل كەڭەس وتكەن بولاتىن. قازاقستاندىق جۇك كولىكتەرىن ۋكراينادان شىعارۋ ءۇشىن ولاردىڭ ءتىزىمى جاسالىپ، قر سىرتقى ىستەر مينيسترلىگىنە بەرىلدى. سونداي- اق، قر ييدم كولىكتەر مەن جۇرگىزۋشىلەردى قوسىمشا قۇجاتتارسىز وتكىزۋ جونىندە پولشا مەن مولدوۆانىڭ مەملەكەتتىك ورگاندارىنا جۇگىندى. 28-اقپاندا ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك كاماليەۆ ۋاكىلەتتى ورگاندارمەن قازاقستاندىق تاسىمالداۋشىلاردىڭ ۋكراينادان شىعۋى ءۇشىن «جاسىل ءدالىز» ۇيىمداستىرۋ جونىندە كەلىسسوزدەر جۇرگىزدى.
كەڭەس بارىسىندا تاسىمالداۋشىلارعا جۇرگىزۋشىلەردى ۋكراينانىڭ باتىس بولىگى ارقىلى پولشا مەن مولداۆيا شەكارالارىنا جىبەرۋ ۇسىنىلدى. وندا وتكىزۋ پۋنكتتەرى اشىلىپ، جەڭىلدەتىلگەن تارتىپپەن ءوتۋ ۇيىمداستىرىلدى. 2022 -جىلعى 3-ناۋرىزدا ۆيتسە- مينيستر ب. كاماليەۆ پولشانىڭ ينفراقۇرىلىم جانە قۇرىلىس ءمينيسترى ا. ادامچيكپەن تەلەفونمەن سويلەسىپ، جۇك تاسىمالىندا تۋىنداعان جاعدايدى تالقىلادى.
بۇدان باسقا، ق ر ي ي د م- دە جۇك تاسىمالداۋ سالاسىنداعى ماسەلەلەر بويىنشا جەدەل شتاب قۇرىلىپ، ونى مينيستر قايىربەك وسكەنبايەۆ باسقاردى. جەدەل شتاب بيزنەس- سۋبەكتىلەرگە جانە حالىقارالىق جۇك تاسىمالدارىنا قاتىسۋشىلارعا كومەك كورسەتۋ جانە اقپاراتتىق قولداۋ ءۇشىن قۇرىلعان. سونداي-اق، ق ر ي ي د م احۋال ورتالىعى بازاسىندا جەدەل جەلى اشىلدى. تۋىنداعان سۇراقتار بويىنشا Call-ورتالىققا 77080880800+؛ 77172983535+ نومەرلەرىنە قوڭىراۋ شالۋعا، سونداي- اق، 77080880800+ WhatsApp نومىرىنە جازۋعا بولادى.
