قازاقستاندىقتاردىڭ 23,2 پايىزى سالاۋاتتى ءومىر سالتىن ۇستانادى
«سالاۋاتتى ءومىر سالتى قىزمەتىن رەسپۋبليكالىق دەڭگەيدە ۇلتتىق قوعامدىق دەنساۋلىق ساقتاۋ ورتالىعى ۇسىنادى. وڭىرلىك دەڭگەيدە ونىڭ فۋنكتسياسى باسەكەلەستىك ورتاعا بەرىلدى. وتكەن جىلدىڭ قورىتىندىسى بويىنشا سالاۋاتتى ءومىر سالتىن ۇستاناتىن قازاقستاندىقتاردىڭ ۇلەسى 23,2 پايىز قۇرادى. پاندەميا كەزىندە سالاۋاتتى ءومىر سالتىنا باعىتتالعان بيۋدجەت قارجىسى 4 ەسەگە قىسقاردى. ال بۇگىندە 512 ميلليون تەڭگەنى قۇرايدى»، - دەدى دەنساۋلىق ساقتاۋ ءمينيسترى اجار عينيات ۇكىمەت وتىرىسىندا.
ءمينيستردىڭ ايتۋىنشا، پاندەميا كەزىندە سالاۋاتتى ءومىر سالتىنا باعىتتالعان ءىس-شارالار 10 ەسە ازايىپ، حالىقتىڭ ودان حاباردار بولۋى 2019-جىلعى 67 پايىزدان، بىلتىر 12 پايىزعا دەيىن تومەندەگەن.
«حالىقتى سالاۋاتتى ءومىر سالتىنىڭ داعدىلارى تۋرالى كوبىرەك حاباردار ەتۋ جانە ينفەكتسيالىق ەمەس اۋرۋلاردىڭ الدىن الۋ ماقساتىندا «دەنى ساۋ ۇلت» ۇلتتىق جوباسى ىسكە اسىرىلۋدا. وندا سالاۋاتتى ءومىر سالتىن ۇستاناتىن حالىق ۇلەسىن ۇلعايتۋ، بۇقارالىق سپورتتى دامىتۋ شارالارى قاراستىرىلعان. سونىمەن قاتار ۇلتتىق جوبادا شىلىم تارتۋ، الكوگول تۇتىنۋ جانە سەمىزدىكپەن كۇرەسكە ارنالعان جەكە باعىتتار بار»، - دەيدى ۆەدومستۆو باسشىسى.
سونداي-اق ا. عينيات بيىل ەلىمىزدە سالاۋاتتى ءومىر سالتىن دارىپتەۋ باعىتىندا 1,4 ميلليوننان استام ءىس-شارا وتەتىنىن ءمالىم ەتتى.
