21:59, 06 - ءساۋىر 2023 | GMT +5
الماتىعا جىل باسىنان بەرى 22 مىڭعا جۋىق شەتەل ازاماتى كەلگەن
الماتى. قازاقپارات - الماتىعا جىل باسىنان بەرى 21805 شەتەل ازاماتى كەلگەن. بۇل وتكەن جىلدىڭ سايكەس كەزەڭىمەن سالىستىرعاندا 2,5 ەسەگە كوپ، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنە سىلتەمە جاساپ.
الماتى قالالىق كوشى-قون قىزمەتى باسقارماسىنىڭ باستىعى اسحات بۋتۋنچينوۆتىڭ ايتۋىنشا، قالادا كوشى-قون زاڭناماسىن بۇزۋ دەرەكتەرىن انىقتاۋ مەن زاڭسىز كوشى-قون ارنالارىن جويۋ جەدەل الدىن الۋ ءىس-شارالارى تۇراقتى تۇردە وتكىزىلىپ كەلەدى.
«جىل باسىنان بەرى 6472 ادام اكىمشىلىك جاۋاپقا تارتىلسا، سونىڭ 1738 ءى - شەتەل ازاماتى. 248 شەتەلدىككە اكىمشىلىك حاتتاما تولتىرىلىپ، ەلدەن شىعارىلدى. پوليتسيا دەپارتامەنتىنىڭ قابىلداپ-تاراتۋ بولىمىنە جەكە باسىن كۋالاندىراتىن قۇجاتى جوق 365 شەتەل ازاماتى ورنالاستىرىلدى. شەتەلدىك جۇمىس كۇشىن پايدالانۋ ەرەجەلەرىن بۇزعان 47 جۇمىس بەرۋشى اكىمشىلىك جاۋاپقا تارتىلدى. سونداي-اق، جىل باسىنان بەرى زاڭسىز كوشى-قوننىڭ 11 ارناسى انىقتالدى»، - دەدى الماتى قالالىق پ د كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
