11:57, 11 - اقپان 2020 | GMT +5
قىتايدان تاعى 217 قازاقستاندىق ەۆاكۋاتسيالاندى
نۇر-سۇلتان. قازاقپارات - قىتاي استاناسى بەيجىڭنەن قازاقستاننىڭ 217 ازاماتى ەۆاكۋاتسيالاندى.
بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى ەلجان ءبىرتانوۆ ايتتى، دەپ حابارلايدى قازاقپارات ءتىلشىسى.
«بۇگىن تاڭەرتەڭگى 06.05 تە بەيجىڭ قالاسىنان قازاقستاننىڭ 217 ازاماتى جەتكىزىلدى. ولاردىڭ بارلىعى قازىر ارنايى مەديتسينالىق ۇيىمعا ورنالاستىرىلىپ جاتىر. ارالارىندا ناۋقاس ادامدار تىركەلگەن جوق»، - دەدى ەلجان ءبىرتانوۆ.
ەسكە سالايىق، كەشە، 10- اقپان كۇنى مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس قازاقستان ۇكىمەتى ق ح ر اۋماعىنداعى جانە وتانىنا ورالۋعا تىلەك بىلدىرگەن قازاقستاندىقتاردى ەۆاكۋاتسيالاۋدى جالعاستىراتىنى ءمالىم ەتىلدى.
