پروكۋرور «ءادىل قىتاي» توبىنىڭ سەركەلەرىن 20 جىلعا تۇرمەگە قاماۋدى سۇرادى
الماتى قىلمىستىق ىستەر جونىندەگى مامانداندىرىلعان اۋدان ارالىق سوتىندا «ءادىل قىتاي» ۇيىمداسقان قىلمىستىق قاۋىمداستىق سەركەلەرىنىڭ ءىسى قارالدى.
وتىرىستا مەملەكەتتىك ايىپتاۋشى باستى سوتتالۋشى ءادىلجان زايناۋدينگە جازا قولدانۋدى سۇرادى.
«ق ر ق ك 58-بابىنا سايكەس جازانى ءىشىنارا قوسۋ ارقىلى 20 جىلعا باس بوستاندىعىنان ايىرۋدى سۇرايمىن. سونىمەن قاتار، ونىڭ قىلمىستىق جولمەن جيناعان مۇلكىن تاركىلەۋدى سۇرايمىن»، - دەدى پروكۋرور ءامىر ءالمۇحانوۆ.
سوتتالۋشىنىڭ بالالارى مەحريشات زايناۋدين مەن باحتيشات ارۋپوۆتى 2,5 جانە 8 جىلعا باس بوستاندىعىنان ايىرۋدى سۇرادى.
بارلىعى سوت الدىندا 12 سوتتالۋشى جاۋاپ بەرىپ جاتىر.
ءادىلجان زايناۋدينوۆ ءبىرقاتار قىلمىس بويىنشا: قىلمىستىق توپ قۇرۋ، ادام دەنساۋلىعىنا نۇقسان كەلتىرۋگە نەمەسە ولتىرۋگە قورقىتۋ، الاياقتىق، ادام ءولتىرۋ، پارا بەرۋ سياقتى قىلمىستار بويىنشا ايىپتالىپ وتىر.
ايتا كەتۋ كەرەك، بىلتىر 30 - مامىردا ق ر ىشكى ىستەر مينيستىرلىگى مەن ۇلتتىق قاۋپسىزدىك كوميتەتتىنىڭ قىزمەتكەرلەرى ۇيىمداسقان قىلمىستىق قاۋىمداستىق مۇشەلەرىن ۇستاعان بولاتىن.
ۇستالعانداردىڭ اراسىندا اۋەزوۆ اۋداندىق ىشكى ىستەر ءبولىمىنىڭ باسشىسى باقىت قاسابەكوۆ بولعان. پوليتسيا قىزمەتكەرى ۇيىمداسقان قىلمىستىق توپتى قورعاعانى ءۇشىن 5 جىلعا سوتتالعان ەدى.
اۆتور: گۇلميرا عوسمانالي
