قازاقستاندا مەملەكەتتىك قىزمەتكەرلەردىڭ ەكىنشى ورىنعا اۋىسۋى 20 ەسەگە قىسقاردى
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر مەملەكەتتىك قىزمەت ىستەرى مينيسترلىگى مەملەكەتتىك قىزمەت دەپارتامەنتىنىڭ ديرەكتورى ءالي كومەكبايەۆ ءمالىم ەتتى.
«مەملەكەتتىك قىزمەتكەرلەردىڭ ءبىر ورىننان ەكىنشى ورىنعا اۋىسۋى 20 ەسەگە قىسقاردى. ماسەلەن، بىلتىر كونكۋرس اياسىندا لاۋازىمعا قابىلدانعانداردىڭ ىشىندە مەملەكەتتىك قىزمەتكەرلەردىڭ ۇلەسى 4\1 دى عانا قۇراعان بولاتىن. ال 75 پايىزى مەملەكەتتىك قىزمەتكەرلەر ەمەس، مەملەكەتتىك قىزمەتتە ىستەمەگەن ادامدار ەدى. مەملەكەتتىك اپپارات سىرتتان كەلەتىن ادامدارمەن تولىعىپ كەلدى. بيىلعى جىلدىڭ ءبىرىنشى توقسانىنداعى كورسەتكىش ونىڭ كەرىسىنشە وزگەرگەنىن كورسەتىپ وتىر. ەندى ولاردىڭ 4\3 ى مەملەكەتتىك قىزمەتكەرلەر. قالعانى تومەن لاۋازىمدارعا اشىق كونكۋرس ارقىلى وتكەندەر»، - دەپ اتاپ ءوتتى ول.
ونىڭ ايتۋىنشا، بۇل كورسەتكىش 2016-جىلى كۇشىنە ەنگەن «مەملەكەتتىك قىزمەت تۋرالى» زاڭعا بايلانىستى بولىپ وتىر.
«دەمەك، مەملەكەتتىك قىزمەت تۋرالى جاڭا زاڭداعى مانساپتىق ءوسۋ مودەلى تولىقتاي جۇمىس ىستەي باستادى دەگەن ءسوز. مەملەكەتتىك ورگانداردىڭ باسشىلارى وسى تەتىكتى اينالىپ وتە المايدى. بارلىعى رەگلامەنتتەلگەن. ەگەر ول سىرتتان بىردەن ادام الاتىن بولسا، ول زاڭدى بۇزعانى ءۇشىن جاۋاپكەرشىلىككە تارتىلادى»، - دەيدى ءا. كومەكبايەۆ.
اۆتور: جاسۇلان جولدىبايەۆ
