ق ر پرەزيدەنتىنىڭ اتىنا ق ح ا- نىڭ 20 جىلدىعىنا وراي حالىقارالىق جۇرتشىلىق وكىلدەرىنەن حاتتار كەلىپ ءتۇستى
بۇل تۋرالى اقوردانىڭ باسپا ءسوز قىزمەتىنەن حابارلادى.
«قازاقستان- كانادا» پارلامەنتتىك دوستىق توبىنىڭ تەڭ ءتوراعاسى ل. بەنۋا ءوز حاتىندا قازاقستان حالقى اسسامبلەياسى جيىرما جىل بويى ەلدىڭ كونفەسسياارالىق جانە ەتنوسارالىق كەلىسىمدى قورعاۋ جانە ىلگەرىلەتۋ جونىندەگى باستى ورگانى بولىپ وتىرعانىن اتاپ وتكەن.
«كانادا قازاقستاننىڭ بۇل قۇندىلىقتارىن ماقتانىشپەن ايتادى. مەن 2014 -جىلدىڭ قىركۇيەگىندە ءسىزدىڭ ەلگە جەمىستى ءارى ەستە قالارلىق ساپار جاسادىم. مەن اسسامبلەيانىڭ وكىلەتتىگىنە جانە قىزمەتىنە ءتانتى بولدىم. ءبىزدىڭ بەرىك ءارى ۇلعايىپ كەلە جاتقان ەكونوميكالىق ىنتىماقتاستىعىمىزدان بولەك، بۇل ورگان قازاقستان مەن كانادانىڭ ءوزارا مۇددەلىلىك تانىتاتىن كوپتەگەن ماسەلەلەر بويىنشا ۇستانىمدارىن جاقىنداستىرىپ وتىر. ءبىز سىزدەردىڭ جاس دەموكراتيالىق مەملەكەتتەرىڭىز دامۋىن جالعاستىرىپ، ونىڭ بارىسىندا اسسامبلەيا ەلەۋلى ءرول اتقاراتىن بولادى دەپ ۇمىتتەنەمىز» ، - دەلىنگەن حاتتا.
ە ق ى ۇ از ۇلتتار جونىندەگى جوعارعى كوميسسارى ا. تۋرس اسسامبلەيا قازاقستاننىڭ ەتنيكالىق ءارالۋاندىعى مەن ەلدەگى كەلىسىمدى ساقتاۋداعى تابىسىنىڭ سيمۆولىنا اينالعانىن اتاپ ايتقان.
«اسسامبلەيا - ءبىزدىڭ ۇيىمنىڭ قازاقستانداعى ماڭىزدى بالاماسى. وسى كونسۋلتاتيۆتىك- كەڭەستىك ورگاننىڭ ۇكىمەت پەن جۇرتشىلىق وكىلدەرى اراسىنداعى ءوزارا ءىس- قيمىلدىڭ ءتيىستى دەڭگەيىن قامتاماسىز ەتۋدەگى ءرولى ءارالۋان قوعام ينتەگراتسياسى جونىندەگى ليۋبليانا ۇسىنىمدارىندا اتاپ وتىلگەن. سونىمەن قاتار، وندا اسسامبلەيانىڭ بارلىق ازاماتتاردىڭ مەملەكەتتىك قىزمەتكە تەڭ قولجەتىمدىلىگىن جانە ولاردىڭ شەشىم قابىلداۋ ۇدەرىسىنە قاتىسۋىن قامتاماسىز ەتۋ جونىندەگى وزگە دە قاعيداتتارىنىڭ ماڭىزدىلىعى ايتىلعان» ، - دەپ جازادى اۆتور.
«سۋدبى سۆيازۋيۋشايا نيت» اتالاتىن قازاقستان- ليتۆا جوباسىنىڭ قاتىسۋشىلارى - گەديميناس اتىنداعى ۆيلنيۋس تەحنيكالىق ۋنيۆەرسيتەتىنىڭ پروفەسسورى ا. ۆيشنيۋناس جانە ستەپلاگتىڭ بۇرىنعى تۇتقىنى، جۋرناليست، جازۋشى ا. سەيكاليس نۇرسۇلتان نازاربايەۆتىڭ جاڭا قوعامدىق ۇيىم قۇرۋ تۋرالى شەشىمى ءوزىن تولىق اقتاعانىنا سەنىمدى ەكەندەرىن ايتقان.
«قازاقستان حالقى اسسامبلەياسى بۇگىندە بارلىق ەتنوستاردى قامتىعان ونداعان قوعامدىق بىرلەستىكتى بىرىكتىرگەن. ول قازاقستاننىڭ كوپ ۇلتتى حالقىن شوعىرلاندىرۋدىڭ ناقتى ينستيتۋتىنا اينالىپ وتىر» ، - دەپ جازادى اۆتورلار.
ب ۇ ۇ جانىندا قاۋىمداسقان، ەكولوگيا جانە تىرشىلىك قاۋىپسىزدىگى حالىقارالىق عىلىم اكادەمياسىنىڭ اكادەميگى، ۋكراينالىق ن. كۋريليۋك قازاقستاننىڭ جارقىن ءارى جاسامپاز بولاشاعىنىڭ نەگىزى ونىڭ حالقىنىڭ تۇتاستىعى مەن بىرلىگى ەكەنىن ايتقان.
«قازاقستان رەسپۋبليكاسى ءوز دامۋىندا ىلگەرىلەۋگە، سىرتقى جانە ىشكى بەيبىت سۇيگىش ساياساتىنا، حالىق بىرلىگى مەن تاۋەلسىزدىگىنە سۇيەنە وتىرىپ، الەمدىك قوعامداستىقتا لايىقتى قۇرمەت پەن بەدەلگە يە. دانالىعى مەن ماڭىزدىلىعى جيىرما جىلدىق سىناق ارقىلى تەكسەرىلگەن اسسامبلەيا حالىقتاردىڭ تۇتاسۋى مەن بىرىگۋىندە، جاسامپازدىق پەن ىلگەرىلەۋ جولىن انىقتاۋدا ۋكراينا مەن وزگە ەلدەرگە لايىقتى ۇلگى بولادى» ، - دەلىنگەن حاتتا.
قازاقستان پرەزيدەنتىنىڭ اتىنا ءوز قۇتتىقتاۋىن جولداعان مەملەكەتارالىق ۋكراينا- قازاقستان قاتىناستارى ينستيتۋتىنىڭ ديرەكتورى ن. ستەپانەنكو مەملەكەت باسشىسىنىڭ اسسامبلەيا قۇرۋ تۋرالى شەشىمىنىڭ تاريحي ماڭىزى مەن كورەگەندىگىن اتاپ وتكەن.
«مادەني جانە كونفەسسيالىق داستۇرلەردىڭ الۋان ءتۇرلى شوعىرىن ءبىر تۇتاس قازاقستان حالقىنا بىرىكتىرگەن بىرەگەي قوعامدىق كەلىسىم ينستيتۋتىنىڭ ىقپالىن باعالاۋ مۇمكىن ەمەس. ءسىز مەملەكەت باسشىسى رەتىندە تاۋەلسىزدىكتىڭ ءبىرىنشى كۇنىنەن باستاپ كوڭىل ءبولىپ كەلە جاتقان حالىقتىڭ تۇتاسۋى، تۇراقتىلىق، تاتۋلىق جانە كەلىسىم سياقتى قۇندىلىقتاردىڭ ارقاسىندا قازاقستان باسەكەگە قابىلەتتى، قۋاتتى مەملەكەت رەتىندە قالىپتاستى. ەتنوسارالىق جانە ءدىنارالىق كەلىسىمنىڭ قازاقستاندىق ۇلگىسى بۇكىل الەمدە قۇرمەت پەن جوعارى قىزىعۋشىلىققا يە بولىپ، حالىقارالىق قوعامداستىق ءۇشىن ۇلگىگە اينالىپ وتىر» ، - دەپ جازادى ن. ستەپانەنكو.
ۋكراينانىڭ «ۋنيۆەرسالنىي بوي» سپورت فەدەراتسياسىنىڭ پرەزيدەنتى ا. كوندراشوۆ نۇرسۇلتان نازاربايەۆتىڭ باسشىلىعىمەن اسسامبلەيا تازا حالىقتىق سيپات الا وتىرىپ، تاتۋلىق پەن كەلىسىمنىڭ جالپىۇلتتىق ينستيتۋتىنا اينالعانىنا نازار اۋدارعان.
«ءسىزدىڭ ساياسي ەرىك- جىگەرىڭىزدىڭ ارقاسىندا الەمدىك قوعامداستىقتا كەڭىنەن مويىندالعان قوعامدىق كەلىسىم مەن بىرلىكتىڭ قازاقستاندىق ۇلگىسى قۇرىلدى. مەملەكەت پەن قوعامنىڭ الەۋمەتتىك- ەكونوميكالىق، ساياسي، مادەني- قوعامدىق سالالاردا ورنىقتى ءارى جاسامپاز دامۋىن قازاقستاندا قول جەتكەن ەتنوسارالىق، ءدىنارالىق تولەرانتتىلىقسىز ەلەستەتۋ مۇمكىن ەمەس. بۇگىندە اسسامبلەيا قوعامنىڭ اۆانگاردى ءارى «قازاقستان-2050» ستراتەگياسىندا قويىلعان مىندەتتەردى جۇزەگە اسىرۋداعى ءسىزدىڭ جانە بۇكىل حالىقتىڭ سەنىمدى تىرەگى بولىپ سانالادى» ، - دەلىنگەن حاتتا.
ۋكراينا تەحنولوگيالىق اكادەمياسىنىڭ ديرەكتورى، عىلىم مەن تەحنيكا سالاسىنداعى ۋكراينا مەملەكەتتىك سىيلىعىنىڭ لاۋرەاتى يۋ. كولەسنيكتىڭ حاتىندا مەملەكەت باسشىسىنىڭ اتىنا جىلى تىلەكتەر ايتىلعان. ول اسسامبلەيانىڭ حالىقتى تۇتاستىرۋعا باعىتتالعان ىزگى قىزمەتىنە توقتالعان.
«تۇراقتىلىق پەن تاتۋلىقتى، وتانداستار اراسىنداعى كەلىسىم مەن دوستىقتى، دەموكراتيالىق جانە وركەنيەتتى قاعيداتتارعا سۇيەنگەن ىلگەرىلەۋ مەن وركەندەۋدى ساقتاۋدا اسسامبلەياعا بۇدان ءارى دە بەلسەندى قىزمەت تىلەيمىز» ، - دەپ جازادى اۆتور.
ۋكراينانىڭ باتىرى، تۇڭعىش عارىشكەرى ل. كادەنيۋك ءوز قۇتتىقتاۋىندا ەلدەگى بەيبىتشىلىك پەن كەلىسىمدى ساقتاۋعا باعىتتالعان قازاقستانداعى قوعامدىق كەلىسىم مەن بۇكىل حالىقتىق وكىلدىك ەتۋدىڭ بىرەگەي ينستيتۋتىنىڭ ماڭىزدىلىعىن اتاپ وتكەن.
«ءبىراز ۋاقىتتى ەڭسەرگەن قازىرگى كەزدە جانە الەمنىڭ كوپتەگەن ەلدەرىن شارپىعان تۇراقسىزدىق جاعدايىندا ءسىزدىڭ جينالعان تاجىريبەنى قورىتۋدىڭ جانە العا قاراي سەنىمدى ىلگەرىلەۋدىڭ نەگىزى رەتىندە ۇلتتىق بىرلىك دوكتريناسى يدەياسىن بەكىتۋ كەزىندەگى دانالىعىڭىز مەن كورەگەندىگىڭىزگە تاعى دا كوز جەتكىزە تۇسەمىز. قازاقستاننىڭ دامۋ جولى ءوزىنىڭ جۇيەلى قارقىنىمەن، اسىرەسە الەمدە ەكونوميكالىق تۇراقسىزدىق بەلەڭ الىپ تۇرعان كەزەڭدە جاڭا بيىكتەرگە قاراي باسقان سىندارلى قادامدارىمەن ءتانتى ەتەدى» ، - دەلىنگەن حاتتا.
