12:53, 17 - قاڭتار 2023 | GMT +6
ۇكىمەت 2027 -جىلعا دەيىن اۋىلداردا 40 مىڭ جاڭا جۇمىس ورنىن قۇرماقشى
استانا. قازاقپارات - پرەمەر- مينيستر ءاليحان سمايىلوۆ 2027 -جىلعا دەيىن اۋىلداردا 40 مىڭ جاڭا جۇمىس ورنى قۇرىلاتىنىن ءمالىم ەتتى، دەپ حابارلايدى قازاقپارات ءتىلشىسى.
«بيىل جالپى قۇنى 143 ميلليارد تەڭگەگە 1,5 مىڭ جوبا جوسپارلانعان. 2027 -جىلعا قاراي اۋىلدىق ەلدى مەكەندەردە سۋدىڭ ساپاسى مەن جولداردىڭ جاعدايى جاقسارادى، ينجەنەرلىك جەلىلەر جوندەلىپ، الەۋمەتتىك، مادەنيەت جانە سپورت وبەكتىلەرى سالىنادى. 40 مىڭعا جۋىق جۇمىس ورنى قۇرىلادى»، - دەدى ول ۇكىمەت وتىرىسىندا.
ءاليحان سمايىلوۆتىڭ ايتۋىنشا، جوباداعى ءىس- شارالار اۋىلداردىڭ دامۋىنا جاڭا سەرپىن بەرۋى كەرەك.
ال ۇلتتىق ەكونوميكا ءمينيسترى الىبەك قۋانتىروۆتىڭ مالىمەتى بويىنشا، شەكاراعا جاقىن جاتقان اۋىلداردا 1,7 ميلليون ادام تۇرىپ جاتىر.
اۆتور
ەسىمجان ناقتىباي