بۇكىل قازاقستاندا 2024 -جىلى «5 دجي» قولجەتىمدى بولادى
بۇل تۋرالى ق ر سيفرلىق دامۋ، يننوۆاتسيا جانە اەروعارىش ونەركاسىبى ۆيتسە-ءمينيسترى اسحات ورازبەك ءمالىم ەتتى، دەپ حابارلايدى قازاقپارات ءتىلشىسى.
«قازىرگى ۋاقىتتا 5G تەحنولوگياسى بىرنەشە قالادا ىلكى رەجيمدە ىسكە قوسىلعان. بيىل اۋكسيون وتكىزەمىز. سول اۋكسيوندا بىرنەشە لوكاتسيانى قامتۋ مىندەتتەمەسى بولادى. 5G-دىڭ قازىرگى نۇسقاسى بۇكىل ەلدى مەكەندى تولىقتاي قامتۋعا مۇمكىندىك بەرمەيدى. سوندىقتان بۇگىندە وپەراتورلارمەن لوكاتسيا بويىنشا جۇمىس ىستەپ جاتىرمىز»، - دەدى اسحات ورازبەك ەلوردادا ءوتىپ جاتقان «سيفرلىق قازاقستانعا بەتبۇرىس» اتتى حالىقارالىق فورۋم اياسىندا ب ا ق وكىلدەرىنە بەرگەن سۇحباتىندا.
ونىڭ اتاپ وتۋىنشە، بۇگىندە رەسپۋبليكالىق ماڭىزى بار نۇر-سۇلتان، الماتى، شىمكەنت قالالارى جانە تۇركىستان 5G جەلىسىمەن قامتىلعان.
«5G ەنگىزۋ ترافيك تۇتىنۋدىڭ شامادان تىس وسىمىمەن قاتار 4.0 يندۋسترياسىنىڭ، اقپاراتتىق تەحنولوگيالاردىڭ، اقىلدى ۇيلەردىڭ دامۋىنا الىپ كەلەتىندىگىن تۇسىنەمىز. ارينە، بۇل جاسالۋى ءتيىس ترەند بولىپ تۇر. ونى وپەراتورلارمەن بىرگە جاسايمىز. مۇنى قالاي جاساۋ قاجەتتىگىنە قاتىستى ناقتى ۇستانىمىز بار»، - دەدى ۆيتسە- مينيستر.
اسحات ورازبەكتىڭ مالىمەتىنشە، 2024 -جىلى 5G قولجەتىمدى بولادى.
«مەنىڭشە، الداعى ەكى جىلدىڭ ىشىندە تۇرعىندار ەلىمىزدىڭ اۋماعىندا 5G جەلىسىنىڭ قولجەتىمدىلىگىن سەزەدى»، - دەدى ول.
