باستاپ قازاقستاننىڭ بارلىق وڭىرىندە 2022-جىلدان جاستارعا جالدامالى پاتەر سالىنباق
بۇل تۋرالى بۇگىن ماجىلىستەگى ۇكىمەت ساعاتىندا ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
«2019-جىلى 3000 پاتەر نۇر-سۇلتان، الماتى جانە شىمكەنت قالالارىندا جۇمىس ىستەيتىن جاستارعا 5 جىل مەرزىمگە جالعا بەرىلەتىن بولادى. بولجانعان جالداۋ اقىسى 15 مىڭ تەڭگەدەن اسپايدى. ال، تۇرعىن ءۇي الاڭى كەمىندە 40 شارشى مەتر. نۇر-سۇلتان قالاسىندا پاتەرلەرگە قۇجاتتار قابىلداۋ بۇگىن باستالدى. الماتى قالاسى بويىنشا 200 دەن اسا ءوتىنىم تۇسكەن. الداعى 3 جىل ىشىندە وسىنداي 9 مىڭ پاتەر بەرىلەدى»، - دەدى مينيستر.
وسى رەتتە داۋرەن ابايەۆ بۇل جۇزەگە اسىرىلىپ جاتقان شارالارعا قاراپ، جاستارىمىز باسپانا الۋ ءۇشىن نۇر-سۇلتان، الماتى نەمەسە شىمكەنتكە جاپپاي كوشۋ كەرەك ەكەن دەپ تۇسىنبەۋى كەرەكتىگىن باسا ايتتى.
«سوندىقتان دا، مۇنداي پاتەردى الۋ شارتىنىڭ ءبىرى - سوڭعى 2 جىلدا سول قالادا تۇراقتى تۇرۋ كەرەك. سونىمەن بىرگە، ەگەر سىزدەر قولداساڭىزدار، جاستارعا ارنالعان جالعا بەرىلەتىن باسپانانى ەلىمىزدىڭ باسقا دا وڭىرلەرىندە 2022-جىلدان باستاپ سالۋ ماسەلەسىن كوتەرۋگە بولادى»، - دەدى ول.
