دۇنيەجۇزىلىك ساۋدا ۇيىمىنىڭ كونفەرەنسياسى 2020-جىلى قازاقستاندا وتەدى
بۇل تۋرالى قازاقپارات ۇ ە م باسپا ءسوز قىزمەتىنە سىلتەمە جاساپ حابارلايدى.
بۇل شەشىم د س ۇ- عا مۇشە مەملەكەت ەلدەردى پرەزيدەنت نۇرسۇلتان نازاربايەۆتىڭ باسشىلىعىمەن ەكونوميكالىق رەفورمالار مەن ليبەرالدى ساۋدا ساياساتىنا سەنىمىن بىلدىرەدى.
جەنيەۆاداعى قازاقستاننىڭ ب ۇ ۇ- عى بولىمشەسىندەگى تۇراقتى وكىلى، ەلشى جانار ايتجانوۆا، جاقىندا د س ۇ- عا قوسىلعان جاس تاۋەلسىز مەملەكەت ءۇشىن وسىنداي ماڭىزدى كەزدەسۋدى وتكىزۋدىڭ ۇلكەن قۇرمەت ەكەنىن اتاپ ءوتتى. قازاقستان د س ۇ- نىڭ كۇن تارتىبىندەگى بارلىق شەشىلمەگەن ماسەلەلەردى تالقىلاۋعا مينيسترلەر كونفەرەنتسياسىنىڭ نەگىزگى ناتيجەلەرىن قامتاماسىز ەتۋ ءۇشىن كونسترۋكتيۆتى ۇلەس قوسۋعا دايىن.
د س ۇ- نىڭ باس ديرەكتورى روبەرتو ازيەۆەدو ق ر پرەزيدەنتىنە جانە ۇكىمەتىنە مينيسترلىك كونفەرەنتسياسىن وتكىزۋگە دايىن بولعانى ءۇشىن العىسىن ءبىلدىرىپ، بۇل قادام ەلدىڭ كوپجاقتى ساۋدا جۇيەسىنىڭ قۇندىلىقتارى مەن قاعيدالارىن ۇستاناتىندىعىن راستاۋ بولىپ تابىلاتىنىن اتاپ ءوتتى.
مينيسترلىك كونفەرەنتسيا د س ۇ- نىڭ جوعارى باسقارۋشى ورگانى بولىپ تابىلادى، ونىڭ وتىرىسى ەكى جىلدا ءبىر رەت وتكىزىلەدى. ۋاكىلەتتى ورگاننىڭ وكىلەتتىكتەرى كوپجاقتى ساۋدا كەلىسىمدەرى شەڭبەرىندە بارلىق ماسەلەلەر بويىنشا، سونىڭ ىشىندە حالىقارالىق ساۋدانى رەتتەيتىن جاڭا تارتىپتەردى بەكىتۋ تۋرالى شەشىم قابىلداۋ قۇقىعىنا يە.
2017-جىلى 11- جەلتوقساندا بۋەنوس-ايرەس قالاسىندا وتكەن د س ۇ- نىڭ 11- مينيسترلىك كونفەرەنسياسى قورىتىندىسى بويىنشا، بۇگىنگى تاڭدا ەلەكتروندىق كوممەرتسيا (ەلەكتروندىق ساۋدا-ساتتىق قاتىسۋشىلارى ءۇشىن ۇيلەستىرىلگەن رەتتەۋشى ورتانى قالىپتاستىرۋدى قامتاماسىز ەتۋ)؛ قاتىسۋشى مەملەكەتتەردە تۇراقتى، اشىق جانە بولجامدى ينۆەستيتسيالىق قىزمەت جاعدايىن قالىپتاستىرۋعا باعىتتالعان كوپ جاقتى ەرەجەلەردى انىقتاۋ؛ ميكرو، شاعىن جانە ورتا كاسىپورىنداردى (م ش و ك) حالىقارالىق ساۋداعا ىقپالداسۋىنا ىقپال ەتە الاتىن كولدەنەڭ ديسكريميناتسياسىز شارالاردى ايقىنداۋ؛ ىقتيمال شەكتەۋلەر مەن ليتسەنزيالاۋ، بىلىكتىلىك تالاپتارىنا جانە تەحنيكالىق ستاندارتتارعا بايلانىستى قوسىمشا شىعىنداردى قىزمەت كورسەتۋ سەكتورىندا كومپانيالار ءۇشىن ازايتۋ سالالارىنداعى رەتتەۋ ەرەجەلەرىن ايقىنداۋ ماسەلەلەرى پىسىقتالۋدا.
12- د س ۇ مينيسترلىك كونفەرەنتسياسىندا د س ۇ- نىڭ 164 مۇشەلەرىنىڭ ساۋدا مينيسترلەرى جانە 20 باقىلاۋشى ەلدىڭ وكىلدەرى قاتىسادى جانە قاتىسۋشىلاردىڭ جالپى سانى ءتورت مىڭنان اسادى دەپ كۇتىلۋدە.
