دۇنيەجۇزىلىك ساۋدا ۇيىمى مينيسترلەر كونفەرەنسياسى 2020 - جىلى استانادا وتەدى
بۇل شەشىم - د س ۇ- عا مۇشە ەلدەردىڭ پرەزيدەنت نۇرسۇلتان نازاربايەۆتىڭ باسشىلىعىمەن قازاقستاندا جۇرگىزىپ جاتقان ەكونوميكالىق رەفورمالارى مەن ليبەرالدىق ساۋدا ساياساتىنا سەنىم بىلدىرگەندىگى.
قازاقستاننىڭ جەنيەۆاداعى ب ۇ ۇ بولىمشەسىنىڭ جانە باسقا دا حالىقارالىق ۇيىمدار جانىنداعى تۇراقتى وكىلى، ەلشى جانار ايتجانوۆا، جاقىندا د س ۇ- عا قوسىلعان جاس تاۋەلسىز مەملەكەت ءۇشىن مۇنداي ماڭىزدى كەزدەسۋدى وتكىزۋ ۇلكەن مارتەبە ەكەنىن اتاپ ءوتتى. قازاقستان مينيسترلەر كونفەرەنسياسىنىڭ ماڭىزدى ناتيجەلەرىن قامتاماسىز ەتۋ ماقساتىندا د س ۇ كۇن تارتىبىندەگى بارلىق شەشىلمەگەن ماسەلەلەر بويىنشا پىكىرتالاسقا سىندارلى تۇردە ۇلەس قوسۋعا دايىن ەكەنىن ايتتى.
د س ۇ باس ديرەكتورى روبەرتۋ ازيەۆەدۋ قازاقستان پرەزيدەنتىنە جانە ۇكىمەتىنە مينيسترلەر كونفەرەنسياسىن وتكىزۋگە ىقىلاس بىلدىرگەنى ءۇشىن ريزاشىلىعىن ءبىلدىرىپ، بۇل قادام ەلدىڭ كوپجاقتى ساۋدا جۇيەسىنىڭ قۇندىلىقتارى مەن قاعيداتتارىن ۇستاناتىندىعىن راستايتىنىن اتاپ ءوتتى.
مينيسترلەر كونفەرەنسياسى - د س ۇ- نىڭ جوعارى باسقارۋشى ورگانى، ول ەكى جىلدا ءبىر رەت وتەدى. ۋاكىلەتتى ورگاننىڭ وكىلەتتىكتەرى كوپجاقتى ساۋدا كەلىسىمدەرى شەڭبەرىندە بارلىق ماسەلەلەر بويىنشا، سونىڭ ىشىندە حالىقارالىق ساۋدانى رەتتەيتىن جاڭا پاندەردى بەكىتۋ تۋرالى شەشىم قابىلداۋ قۇقىعىنا يە.
د س ۇ مينيسترلىك كونفەرەنسياسىنىڭ ەڭ ماڭىزدى ناتيجەسى - ساۋداعا جاردەمدەسۋ تۋرالى كەلىسىم جانە اۋىل شارۋاشىلىعى ونىمدەرىنە ەكسپورتتىق سۋبسيديا بەرۋگە تىيىم سالۋ.
قازىرگى تاڭدا بالىق شارۋاشىلىعىن سۋبسيديالاۋدى رەتتەيتىن جاڭا ءتارتىپتى ۇيلەستىرۋ - پەرسپەكتيۆالىق كەلىسسوز جۇرگىزۋ باعىتى بولىپ تابىلادى. بۇدان باسقا، اگروونەركاسىپتىك كەشەندە سۋبسيديالاردى ودان ءارى تومەندەتۋ، قىزمەتتەر سەكتورىنداعى ساۋدانى ىرىقتاندىرۋ جانە ەلەكتروندىق كوممەرتسيانى رەتتەۋ سياقتى ماسەلەلەر بويىنشا بەلسەندى كوپجاقتى تالقىلاۋلار بار.
د س ۇ 12- مينيسترلىك كونفەرەنسياسىنىڭ جۇمىسىنا 164 مۇشە- ەلدەردىڭ ساۋدا مينيسترلەرى مەن 20 د س ۇ باقىلاۋشىلارى قاتىسادى دەپ كۇتىلۋدە، ال ءىس- شاراعا قاتىسۋشىلاردىڭ جالپى سانى ءتورت مىڭنان اسادى.
