تۇرعىن ءۇي- قۇرىلىس جيناق بانكى «قولجەتىمدى باسپانا-2020» مەملەكەتتىك باعدارلاماسىنا ءوز بالاماسىن ازىرلەدى
استانا. قازاقپارات - «بايتەرەك» حولدينگىنىڭ ەنشىلەس كومپانياسى «قازاقستان تۇرعىن ءۇي- قۇرىلىس جيناق بانكى» ا ق 2022 -جىلعا دەيىن بانك سالىمشىلارىن قولجەتىمدى باسپانامەن قامتاماسىز ەتۋ بويىنشا «ءوز ءۇيىم» داعدارىسقا قارسى باعدارلاماسىن ازىرلەدى.
بانكتىڭ باسپا ءسوز قىزمەتى حابارلاعانداي، باعدارلاما ءۇش باعىتتان تۇرادى: جەرگىلىكتى اتقارۋشى ورگاندارمەن ءوزارا ءىس- قيمىل، مەملەكەتتىك- جەكە ارىپتەستىك جانە ەكىنشى دەڭگەيدەگى بانكتەرمەن ىنتىماقتاستىق.
قازىرگى ساتتە ج ا ءو- مەن، ەكىنشى دەڭگەيلى بانكتەرمەن، قۇرىلىسشىلارمەن كەلىسسوزدەر جۇرگىزىلۋدە.
« ءوز ءۇيىم» باعدارلاماسىنىڭ نەگىزگى ارتىقشىلىعى - تۇرعىن ءۇي- قۇرىلىس جيناق بانكى سالىمشىلارى ءۇشىن تولىق باسىمدىق، شارشى مەترىنە تومەن باعا، ۆاليۋتالىق باعامعا تاۋەلدى بولماۋ، ءۇي ساتىپ الۋدا ەرەكشە جاعدايلاردىڭ بولماۋى.
باعدارلاماعا كەز كەلگەن بانك كليەنتى قاتىسا الادى. الايدا ءبىرىنشى كەزەكتە ءۇي ساتىپ الۋعا قۇقىقتى مەنشىگىندە جىلجىمايتىن مۇلكى جوق سالىمشىلار الا الادى.
مۇنىڭ 2020 -جىلعا دەيىنگى وڭىرلەردى دامىتۋ مەملەكەتتىك باعدارلاماسىنان ايىرماشىلىعى سوڭعى ەكى جىلدا الماتى جانە استانا قالالارىندا تىركەلۋ تالابىنىڭ بولماۋىن قامتيدى.
بۇگىندە باعدارلاما اياسىندا ورتاشا باعا شارشى مەترىنە 180 مىڭ تەڭگەنى قۇرايدى. جىلدىق پروتسەنتتىك مولشەرلەمە - 5 تەن 10 پايىزعا دەيىن. 2016 -جىلى باعدارلامانىڭ بارلىق باعىتى بويىنشا 350 مىڭ شارشى مەتر قۇرىلىس كولەمى پىسىقتالادى. « ءوز ءۇيىم» باعدارلاماسى اياسىندا 1,5 ميلليون شارشى مەتر تۇرعىن ءۇي سالۋ جوسپارلانۋدا.
بانكتىڭ داعدارىسقا قارسى باعدارلاماسى 2020 -جىلعا دەيىنگى وڭىرلەردى دامىتۋدىڭ مەملەكەتتىك باعدارلاماسىنا قوسىمشا بولادى. بانك سالىمشىلارى قولجەتىمدى باعامەن ءۇي ساتىپ الۋدىڭ بالامالى مۇمكىندىگىن الادى. «ءوز ءۇيىم» باعدارلاماسىنىڭ بىرەگەيلىگى سالىمشىلاردىڭ اشىق داۋىس بەرۋ ارقىلى تۇرعىن ءۇي قۇرىلىسشىلارى مەن جوبانى تاڭداۋىن قامتيدى. باعدارلامانى قارجىلاندىرۋ بانكتىڭ جەكە قاراجاتى ەسەبىنەن جۇزەگە اسىرىلادى.
«جاس وتباسىلارعا ارنالعان تۇرعىن ءۇي» جانە «حالىقتىڭ بارلىق ساناتىنا ارنالعان تۇرعىن ءۇي» باعىتتارى بويىنشا 2020 -جىلعا دەيىن وڭىرلەردى دامىتۋدىڭ مەملەكەتتىك باعدارلاماسى اياسىندا بيىل 459 مىڭ شارشى مەترگە كەلىسىم ىسكە اسىرىلادى. مەملەكەتتىك باعدارلاما اياسىندا تىركەلەدى. وڭىرلەردە بەلگىلەنگەن باعا شارشى مەترى 90-110 مىڭ تەڭگە، استانا مەن الماتى قالالارىندا شارشى مەترىنە 143 مىڭ تەڭگە.
