قازاقستاندا 2020-جىلى 1,3 مىڭ شاقىرىم جول پايدالانۋعا بەرىلەدى

نۇر-سۇلتان. قازاقپارات - 2020-جىلى قازاقستاندا جوندەلگەن نەمەسە پايدالانۋعا بەرىلەتىن 1373 شاقىرىم اۆتوموبيل جولى اشىلادى، دەپ حابارلايدى قازاقپارات ق ر ي ي د م باسپا ءسوز قىزمەتىنە سىلتەمە جاساپ.

«مەملەكەتتىك «نۇرلى جول» باعدارلاماسىن ىسكە اسىرۋدى جالعاسىترۋ اياسىندا 2020 جانە 2026-جىلدار ارالىعىندا رەسپۋبليكالىق ماڭىزى بار اۆتوموبيل جولدارىنىڭ 10 مىڭ شاقىرىمى قايتا جاڭارتۋ جۇمىستارىمەن قامتىلسا، ونىڭ 1373 شاقىرىمىندا قوزعالىس كەلەسى جىلى اشىلماق»، دەلىنگەن حابارلامادا.

«ورتالىق-وڭتۇستىك» باعىتى بويىنشا جولدىڭ 311 شاقىرىمى، «پەتروپاۆل- قورعان» تاسجولىنىڭ 37 شاقىرىمى، «ورتالىق-شىعىس» جوباسى بويىنشا جولدىڭ 13 شاقىرىمى، «قوستاناي-دەنيسوۆكا» اۆتوجولىنىڭ 65 شاقىرىمى، «اقتوبە-قاندىاعاش-ماقات» تاسجولىنىڭ 160 شاقىرىمى پايدالانۋعا بەرىلەدى دەپ كۇتىلۋدە. سونىمەن قاتار، كەلەسى جىلى «اتىراۋ-استراحان» باعىتى بويىنشا جولدىڭ 60 شاقىرىمىندا، «وسينوۆ اسۋى» جوباسى بويىنشا جولدىڭ 32 شاقىرىمىندا، «تالدىقورعان-وسكەمەن» اۆتوموبيل جولىنىڭ 384 شاقىرىمىندا، «ۇزىناعاش-وتار» جولىنىڭ 96 شاقىرىمىندا كولىك قوزعالىسى اشىلادى.

مۇنىمەن قوسا، جوسپارعا سايكەس «ءۇشارال-دوستىق» تاسجولىنىڭ 60 شاقىرىمى، «قالباتاۋ-مايقاپشاعاي» اۆتوجولىنىڭ 155 شاقىرىمى پايدالانۋعا بەرىلمەك.

ەسكە سالايىق، 2020-جىلى 5917 شاقىرىمى جول اقىلى بولادى. 2025-جىلعا قاراي مۇنداي جولداردىڭ جالپى ۇزىندىعى 11,7 مىڭ شاقىرىمعا جەتەدى.