قازاقستاندا 2019-جىلدىڭ قاڭتارىنان باستاپ زەينەتاقى ءوستى

بۇدان بۇرىن حابارلانعانداي، ق ر ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆا قازاقستاندا زەينەتاقىنى يندەكستەۋ مەملەكەت باسشىسىنىڭ تاپسىرماسى بويىنشا جىل سايىن جانە جىلدىڭ باسىندا جۇزەگە اسىرىلاتىندىعىن ايتتى.

«ول ينفلياتسيادان 2 پروتسەنتكە ىلگەرى جۇرەدى، بيىلعى جىلى ءبىز بۇل كورسەتكىشتى 9 پروتسەنتكە جەتكىزدىك. 2019-جىلدىڭ 1- قاڭتارىنان باستاپ، يندەكستەۋ قوسىمشا ينفلياتسيا دەڭگەيىندە جۇرگىزىلىپ، ونىڭ ۇستىنە 2 پايىزدىق مولشەر قوسىلادى»، - دەدى مينيستر.

ونىڭ سوزىنشە، بازالىق زەينەتاقىنىڭ جاڭا فورماتى ونى 67 پروتسەنتكە كوتەرۋ دەگەندى بىلدىرەدى. «1 ميلليونعا جۋىق زەينەتكەر بازالىق زەينەتاقىنى ەڭ تومەنگى ءومىر ءسۇرۋ كورسەتكىشىنەن 100 پروتسەنت كولەمىندە الا باستادى. ياعني، بازالىق زەينەتاقى ولار ءۇشىن ەكى ەسەگە ارتتى. جالپى، زەينەتاقى بازالىق، ىنتىماقتى جانە جيناقتاۋشى بولىپ ۇشكە بولىنەدى. ىنتىماقتى زەينەتاقىنى ءبىز ينفلياتسيانى نەگىزگە الا وتىرىپ، 2 پروتسەنتكە ارتىعىمەن يندەكستەيمىز. ال بازالىق زەينەتاقىنى مەملەكەت باسشىسىنىڭ تاپسىرماسى بويىنشا ورتاشا العاندا 67 پروتسەنتكە ارتتىردىق»، - دەپ ءتۇسىندىردى مينيستر.

سونداي-اق ول قازىرگى تاڭدا قازاقستانداعى زەينەتاقىنىڭ دەڭگەيى كورشىلەس مەملەكەتتەر مەن ت م د- عا مۇشە ەلدەردىڭ قاي-قايسىسىنان دا جوعارى ەكەندىگىن اتاپ ءوتتى.

«زەينەتاقىنىڭ ورتاشا مولشەرى 3 كومپونەنتتى قوسا العاندا 101 مىڭ تەڭگەنى قۇرايدى»، - دەپ تۇيىندەدى ۆەدومستۆو باسشىسى.