مەملەكەتتىك 2018-جىلعى ءبىلىم گرانتى يەگەرلەرىنىڭ تولىق ءتىزىمى
تولىق ءتىزىمدى مىنا سىلتەمەدەن كوشىرىپ الۋعا بولادى.
ەسكە سالا كەتسەك، بيىل ۇ ب ت 167 پۋنكتتە وتكىزىلدى. سونىڭ ىشىندە كوللەدجدەر بازاسىندا - 3، جوعارى وقۋ ورىندارى بازاسىندا - 48، مەكتەپتەر بازاسىندا - 116 پۋنكت بولدى. بيىل ۇ ب ت تاپسىرۋعا 102447 ءوتىنىش بەرىلدى. سونىڭ 77224 ءى قازاق تىلىندە، 25177 ءسى ورىس، ال 46 سى اعىلشىن تىلىندە تاپسىرۋ نيەتىن بىلدىرگەن. ءىس جۇزىندە بيىل 98698 ءبىتىرۋشى ۇ ب ت تاپسىردى، بىلتىر بۇل كورسەتكىش 88583 بولاتىن.
مەملەكەت باسشىسى نۇرسۇلتان نازاربايەۆتىڭ «بەس الەۋمەتتىك باستاماسى» اياسىندا بيىل مەملەكەتتىك تاپسىرىستىڭ كولەمى 20 مىڭ گرانتقا ارتتىرىلدى. سونىڭ 11 مىڭى تەحنيكالىق باعىتتارعا، سونىڭ ىشىندە اقپاراتتىق تەحنولوگيالار، روبوت تەحنيكاسى جانە نانوتەحنولوگيالار سالالارىنا، 5 مىڭى ەڭبەك نارىعىندا قاجەتتىلىك بايقالىپ وتىرعان باسقا ماماندىقتارعا 3 مىڭى ماگيسترلەردى دايارلاۋعا، 1 مىڭى PhD دوكتورلارىن دايارلاۋعا باعىتتالدى. سونىمەن، جوعارى ءبىلىم گرانتتارىنىڭ سانى 53594 كە جەتتى. سونىڭ 5944 ءى كۇندىزگى وقىتۋدىڭ 1-كۋرسىنا، 2650 ءى ج و و دايىندىق بولىمدەرىنە قابىلداۋعا بولىنگەن.
كورسەتىلگەن باسىمدىقتاردى ەسكەرە وتىرىپ، 24737 گرانتتى تەحنيكالىق جانە تەحنولوگيالىق ماماندىقتارعا، 9499 گرانتتى پەداگوگيكالىق، 2785 گرانتتى اۋىل شارۋاشىلىعى جانە ۆەتەريناريا، 2700 گرانتتى مەديتسينالىق، 1450 گرانتتى گۋمانيتارلىق، 100 گرانتتى قۇقىق، 300 گرانتتى ونەر، 1780 گرانتتى الەۋمەتتىك عىلىمدار، ەكونوميكا جانە بيزنەس، 3246 گرانتتى تابيعي عىلىمدار، 2330 گرانتتى قىزمەت كورسەتۋ، 500 گرانتتى اسكەري ءىس جانە قاۋىپسىزدىك ماماندىقتارىنا ءبولۋ قاراستىرىلعان.
