ەكسپو-2017: دۇنيەجۇزى قازاقتارى قۇرىلتايىنىڭ دەلەگاتتارى اقمولا وبلىسىنىڭ ەتنواۋىلىندا بولدى - فوتو
كوكشەتاۋ. قازاقپارات - «ەكسپو-2017» كورمەسى اياسىندا استانا قالاسىندا ءوتىپ جاتقان اقمولا وبلىسىنىڭ كۇندەرى «قازانات» اتشابارىندا ورنالاسقان ەتنواۋىلدا جالعاسىن تاپتى، دەپ حابارلايدى «قازاقپارات» ح ا ا ءتىلشىسى.
مۇندا وبلىستىڭ ەڭ ۇزدىك شىعارماشىلىق ۇجىمدارى «دالا سىرى» كونسەرتىن وتكىزدى. ال، ساندىك-قولدانبالى ونەر شەبەرلەرى قازاق حالقىنىڭ سالت-داستۇرىنەن سىر شەرتەتىن ۇلتتىق بۇيىمداردىڭ كورمەسىن ۇيىمداستىردى.
ەتنواۋىلدى اقمولا وبلىسىنىڭ اكىمى مالىك مىرزالين جانە دۇنيەجۇزى قازاقتارى قۇرىلتايىنىڭ دەلەگاتتارى ارالاپ كوردى. دەلەگاتتار مەن استانا قالاسىنىڭ تۇرعىندارى جانە قوناقتارى مادەني باعدارلاماعا تولى شارانى تاماشالادى.
ايتا كەتەيىك، استانالىقتار اقمولا وبلىسىنىڭ ساندىك-قولدانبالى ونەر تۋىندىلارى كورمەسىن اتالمىش ەتنواۋىلدا ماۋسىمنىڭ 25 ىنە دەيىن كورۋىنە بولادى.
