17:41, 01 - ماۋسىم 2017 | GMT +5
قازاقستاننىڭ ەكسپو-2017 كورمەسىنە قوياتىن جوبالارىنان ۇيالمايمىز - قانات بوزىمبايەۆ
استانا. قازاقپارات - قازاقستاننىڭ ەكسپو-2017 كورمەسىنە قوياتىن جوبالارىنان ۇيالمايمىز. بۇگىن حالىقپەن ەسەپتى كەزدەسۋىنەن كەيىن ب ا ق وكىلدەرىنە بەرگەن سۇحباتىندا ق ر ەنەرگەتيكا ءمينيسترى قانات بوزىمبايەۆ وسىلاي دەدى، دەپ حابارلايدى قازاقپارات.
«بۇگىن «قازاقستان» پاۆيلونىن ەلباسى ارالاپ شىعىپ، ءوز باعاسىن بەردى. جالپى «ەكسپو-2017» حالىقارالىق كورمەسىنە ەلىمىز 28 جوبا قويادى. ونىڭ 25 جوباسى دايىن. ال 3 جوبا بويىنشا جۇمىس جۇرگىزىلۋدە»، - دەدى مينيستر.
سونىمەن قاتار ول الداعى 2-3 كۇننەن كەيىن قازاقستان پاۆيلونىنىڭ جوبالارى 100 پروتسەنتكە دايىن بولاتىندىعىنا سەندىردى.
«بۇل جوبالار باسقا مەملەكەتتىك جوبالارمەن باسەكەگە تۇسە الادى. ول ءۇشىن ۇيالمايمىز»، - دەيدى ق. بوزىمبايەۆ.
اۆتور: مارلان جيەمباي
