ەكسپو-2017 كورمەسى كەزىندە استانا جولدارىنداعى قاتىناس قالاي جەڭىلدەمەك؟
بولجام بويىنشا استاناعا قالاارالىق كولىكتەرمەن 472 مىڭعا جۋىق ادام كەلەدى. قازاقستاننىڭ 13 وبلىسىنان ەلورداعا كۇن سايىن 118 اۆتوبۋس قاتىنايدى: قازىر 53 قالاارالىق اۆتوبۋس باعىتتارى بار بولسا، وعان تاعى 65 قوسىلادى. ول ءۇشىن استانادا قوسىمشا «الاي» جانە «كەنمارت» ەكى كولىك حابى قۇرىلدى.
- «ساپارجاي» اۆتوۆوكزالى قازىرگى قالاارالىق جانە وبلىس ارالىق 53 رەيسكە قىزمەت كورسەتەدى. «الاي» حابى ارقىلى 37، «كەنمارت» ارقىلى - 28 رەيس قاتىنايدى، - دەيدى استانا قالاسى جولاۋشىلار كولىگى باسقارماسىنىڭ باسشىسى بەكمىرزا يگەنبەردينوۆ.
قالا تۇرعىندارى مەن قوناقتارىن كورمە نىساندارىنا جىلدام جەتكىزۋ ماقساتىندا استانادا Shuttle Bus 7 باعىت بويىنشا 167 اۆتوبۋس قاتىنايدى.
ءبىر جولعى جول ءجۇرۋ باعاسى - 150 تەڭگە. - نەگىزگى ارتىقشىلىقتارى: ايالدامالاردىڭ سانى از بولادى، شامامەن 8. ەكىنشىدەن، ايالدامالار كورمە قوناقتارى كوپ جينالعان جەرلەرگە ورنالاستىرىلادى، ولار: قوناقۇيلەر، ۆوكزال جانە اۋەجاي.
بۇل مەكەمەلەردىڭ جانىندا جەكە كولىكتەرىن قوياتىن، ەكسپو اۋماعىنا تەز جەتكىزەتىن Shuttle Bus اۆتوبۋستارىنا وتىراتىن ارنايى تۇراقتار بولادى. ۇشىنشىدەن، اتالعان باعىتتاعى اۆتوبۋستارعا جولاۋشىلار الدىڭعى ەسىكتەن كىرىپ، جولاقىسىن وزدەرى تولەيدى. بۇل اسىرەسە شەتەلدىك قوناقتاردىڭ كوندۋكتورلارمەن سويلەسۋ كەزىندە تىلدىك كەدەرگى تۋىنداماۋ ءۇشىن قولايلى، - دەپ ءتۇسىندىردى ب. يگەنبەردينوۆ.
قازىردىڭ وزىندە ەكسپو-2017 كورمەسىنىڭ ورتالىقتارى ارقىلى 11 باعىت بويىنشا قوعامدىق كولىكتەر قاتىناۋدا. ولارعا 103 اۆتوبۋس قوسىلدى. جولاقى قۇنى وزگەرگەن جوق - 90 تەڭگە. سونىمەن قاتار اۆتوبۋس پاركتەرىندە جاڭارتۋ جۇرگىزىلىپ جاتىر. -
ءبىز پاركتى بارىنشا جاڭارتۋعا تىرىسۋدامىز. قازىرگى اۆتوبۋستارعا قاتىستى ەسكەرتپەلەر بار. كولىكتى قاداعالاۋ قىزمەتى قالا اۆتوبۋستارىن تۇراقتى باقىلاپ وتىرادى ءارى ايتىلعان كەمشىلىكتەر 1-ماۋسىمعا دەيىن جويىلادى.
قوعامدىق كولىك جۇرگىزۋشىلەرى مەن كوندۋكتورلارى ءۇشىن جاڭا ۇلگىدەگى كيىم قاراستىرىلۋدا. ساپانى باقىلاۋ ورتالىعى شەتەلدىك قوناقتارمەن قارىم-قاتىناس بويىنشا قىزمەتكەرلەرگە ارنالعان ادىستەمە دايىندادى، - دەدى باسقارما باسشىسى.
بۇگىنگى كۇنى قالادا كۇن سايىن 350 مىڭعا جۋىق كولىك قاتىنايدى. قازىردىڭ وزىندە ەكسپو اۋماعى مەن Mega Silk Way و س و- ندا 6 مىڭعا تارتا كولىك قوياتىن ورىن دايىندالدى. ەكسپو كەزەڭىندە كوشە-جولدارداعى قاتىناستى جەڭىلدەتۋ ءۇشىن ارنايى 14 تۇراق ۇيىمداستىرىلدى. ولاردىڭ ءبىرازى ەكسپو اۋماعىنداعى جاياۋ جۇرگىنشىلەرگە ارنالعان جەرلەردە ورنالاستىرىلدى. وسىنداي تۇراقتار ارقىلى قالانىڭ باسقا اۋداندارىندا Shuttle Bus اۆتوبۋس باعىتتارى جۇرەدى.
ماۋسىمنىڭ 3 نەن باستاپ قالادا ۇزىندىعى 40,6 شاقىرىمدى قۇرايتىن Bus Lane قوسىمشا 13 ۋچاسكە ىسكە قوسىلادى. - قازىرگى جولدارداعى كولىكتەردىڭ تىم كوپتىگىن ەسكەرە وتىرىپ قوعامدىق كولىكتەر ارقىلى تىعىرىقتان شىعۋدىڭ جولىن تابۋعا بولادى.
Bus Lane جولاقتارى بويىنشا Shuttle Bus باعىتىنداعى، قالا اۆتوبۋستارى، پوليتسەيلەر، ارنايى قىزمەت، جەدەل-جاردەم، قوعامدىق كولىكتەرگە زاڭدىق نەگىزدە تەڭەستىرىلگەن تاكسي كولىكتەرى قاتىناي الادى، - دەدى يگەنبەردينوۆ.
سونىمەن قاتار «نۇرلى جول» تەمىرجول ۆاكزالىنان تاعى ءبىر تۇنگى ەكسپرەسس- مارشرۋت ىسكە قوسىلادى. ماۋسىمنىڭ 7 ىنەن 12-قىركۇيەككە دەيىن تاڭەرتەڭگى ساعات 6:00 دەن تۇنگى 23:00 ارالىعىندا جۇك كولىكتەرىنىڭ بارلىق تۇرلەرى بويىنشا قاتىناس توقتاتىلادى.
جۇمىس ۋاقىتىن سارالاۋ جۇمىستارى دا جۇرگىزىلۋدە. قالا باسشىلىعىنىڭ ايتۋىنشا، اتالعان شارالار ەلوردا جولدارىنداعى كەپتەلىستى ازايتىپ، اۆتوموبيل جۇرگىزۋشىلەرى مەن جاياۋ جۇرگىنشىلەر ءۇشىن قولايلى جاعداي تۋعىزۋعا سەپتىگىن تيگىزەدى.
Egemen.kz
