ەكسپو-2017 قارساڭىندا ازاماتتاردىڭ ۋاقىتشا تىركەلۋىنە تەكسەرۋ جۇرگىزىلمەيدى

«قالا قاۋىپسىزدىگى بويىنشا شارالار جۇرگىزىلەتىن بولادى. بارلىق جەكە قۇرام جۇمىلدىرىلادى. ناركولوگيالىق ديسپانسەر سىندى مەكەمەلەردە ەسەپتە تۇرعاندار تەكسەرىلەدى. ءبىراق، بۇل زاڭعا مويىنسۇنعان ازاماتتار زارداپ شەگەدى دەگەن ءسوز ەمەس. سوندىقتان بۇل تەكسەرۋدىڭ قاجەتى دە جوق. قاۋىپسىزدىك بويىنشا بارلىق قاجەتتى شارالار قابىلدانۋدا. سول سەبەپتى مەنىڭشە بۇل ماسەلە كوتەرىلمەك ەمەس. قالاي دەگەندە دە 2017 -جىلعا مۇنداي جوسپار جوق»، - دەدى ول ب ا ق وكىلدەرىنىڭ حالىقارالىق كورمە قارساڭىندا ەلوردا تۇرعىندارىنىڭ ۋاقىتشا تىركەلۋىن جاپپاي تەكسەرۋ بولا ما دەگەن ساۋالىنا وراي.
ەسكە سالا كەتەيىك، الماتى وبلىسىنىڭ وڭتۇستىك وڭىرلەرىندەگى بەس اۋداندا «قۇقىقتىق ءتارتىپ» شاراسى باستالعان بولاتىن. ونىڭ ماقساتى - 28- قىسقى ۋنيۆەرسيادا قارساڭىندا جەدەل جاعدايدىڭ تۇراقتىعىن قامتاماسىز ەتۋ. پوليتسيا قىزمەتكەرلەرىنىڭ الدىن الۋ شاراسى ۋنيۆەرسياداعا دەيىنگى 6-25 - قاڭتار ارالىعىندا وتەدى. نەگىزگى ماسەلە قوعامدىق قاۋىپسىزدىككە، ەسىرتكى مەن قارۋ- جاراقتىڭ زاڭسىز اينالىمىنا، كوشى- قون زاڭناماسىنىڭ بۇزۋشىلىقتارىن بولدىرماۋعا، قىلمىسكەرلەر مەن ءىز- ءتۇزسىز جوعالعانداردى ىزدەستىرۋگە باسا نازار اۋدارۋدا بولىپ وتىر.
اۆتور: مارلان جيەمباي