قازاقستاندا 2017-جىلى زەينەتاقى مەن جاردەماقى مولشەرى قانشا تەڭگەگە وسەدى؟
بالا تۋۋ كورسەتكىشىنە وراي 2016-جىلعى مەملەكەتتىك جاردەماقىنىڭ كولەمى 66621 تەڭگەنى قۇراعان. ەگەر و باسىندا ءتورتىنشى نەمەسە ودان دا كوپ بالا دۇنيەگە كەلسە، وندا اناسىنا 111035 تەڭگە تولەنىپ كەلدى.
ال 2017-جىلى انالار ءاربىر ءسابي ءۇشىن 79945 تەڭگە جانە ءتورتىنشى جانە ودان كەيىنگى بالالارعا 133242 تەڭگە الاتىن بولادى.
2016-جىلعى زەينەتاقىنىڭ ەڭ تومەنگى مولشەرى 25824 تەنگەنى قۇراسا، مەملەكەتتىك بازالىق زەينەتاقى كولەمى 11965 تەڭگە بولعان.
ەلباسىنىڭ تاپسىرماسى بويىنشا، 2017-جىلى ەڭ تومەنگى زەينەتاقى مولشەرى 30988 تەڭگە، مەملەكەتتىك بازالىق تولەم 14358 تەڭگە بولماق.
ەستەرىڭىزدە بولسا، ەلباسى تاۋەلسىزدىكتىڭ 25 جىلدىعىنا وراي زەينەتاقى مەن مەملەكەتتىك جاردەماقى كولەمىن 2017-جىلدان باستاپ جيىرما پايىزعا كوتەرۋدى تاپسىردى. سونداي-اق، 5- جەلتوقسان كۇنى 2017-2019-جىلدارعا ارنالعان رەسپۋبليكالىق بيۋدجەت تۋرالى زاڭعا قول قويعان بولاتىن.
Nur.kz
