17:08, 04 - قىركۇيەك 2016 | GMT +5
نازاربايەۆ ەكسپو-2017 كورمەسى اياسىندا «ۇلكەن جيىرمالق» قامقورلىعىمەن ارنايى شارا وتكىزۋدى ۇسىندى
استانا. قازاقپارات - ەلباسى نۇرسۇلتان نازاربايەۆ «G-20» سامميتىندە بارلىق مەملەكەتتەردى «ەكسپو-2017» حالىقارالىق مامانداندىرىلعان كورمەسىنە بەلسەندى قاتىسۋعا شاقىرىپ، ونىڭ اياسىندا ۇلكەن جيىرمالىقتىڭ قامقورلىعىمەن ارنايى شارا وتكىزۋدى ۇسىندى.
«قازاقستان ب ۇ ۇ- نىڭ تۇراقتى دامۋ ماقساتتارىن، پاريج كەلىسىمىن جانە «جاسىل ەكونوميكا» ۇستانىمدارىن جۇزەگە اسىرۋعا بەلسەندى جاردەمىن بەرەدى. وعان 2017-جىلى استانادا «بولاشاق ەنەرگياسى» تاقىرىبىمەن وتەتىن «ەكسپو» حالىقارالىق كورمەسى دە سەپتىگىن تيگىزەدى. مۇنىمەن قاتار ءبىز «استانا» حالىقارالىق قارجى ورتالىعىن قۇرامىز. بارلىق مەملەكەتتەردى استاناداعى «ەكسپو» كورمەسىنە بەلسەندى قاتىسۋعا شاقىرامىن. ونىڭ اياسىندا «G-20» قامقورلىعىمەن سايكەسىنشە ءىس- شارالار وتىزۋگە دە بولار ەدى»، - دەدى ق ر پرەزيدەنتى.
ەسكە سالساق، 1- قىركۇيەكتە ن. نازاربايەۆ ق ح ر ءتوراعاسى شي جينپيڭنىڭ شاقىرتۋىمەن G20 سامميتىنە قاتىسۋ ءۇشىن قىتايعا كەلدى.
اۆتور: مارلان جيەمباي
