15:57, 01 - قاڭتار 2016 | GMT +5
بۇگىننەن باستاپ استانا پوليتسەيلەرى «ەكسپو-2017» اۋماعىندا قاۋىپسىزدىكتى قامتاماسىز ەتەدى - فوتو
استانا. قازاقپارات - 2016-جىلدىڭ 1- قاڭتارىنان باستاپ ەلوردالىق ءتارتىپ ساقشىلارى «استانا ەكسپو-2017» حالىقارالىق مامانداندىرىلعان كورمەسىنىڭ اۋماعىندا تاۋلىك بويى قوعامدىق ءتارتىپتى قورعاۋعا جانە قاۋىپسىزدىكتى قامتاماسىز ەتۋگە جۇمىلدىرىلادى.
«استانا ەكسپو-2017» حالىقارالىق مامانداندىرىلعان كورمەسىنىڭ بارلىق پەريمەترىندە قۇقىق ءتارتىبىن جانە ازاماتتاردىڭ قاۋىپسىزدىگىن قامتاماسىز ەتۋگە، سونداي-اق قۇقىققا قارسى باسقا دا ارەكەتتەردىڭ الدىن الۋعا جانە بولدىرماۋعا 56 پوليتسيا جانە كۇزەت بولىمشەلەرىمەن بىرىككەن اسكەري قىزمەتكەرى قاتىسادى.
بۇعان دەيىن، اعىمداعى جىلدىڭ جەلتوقسان ايىنىڭ ورتاسىندا استانا قالالىق ءىىد- دە «استانا ەكسپو-2017 ۇ ك» ا ق قاۋىپسىزدىك دەپارتامەنتى باسشىلىعى، مۇددەلى قىزمەتتەر مەن ءى ءى د بولىمشەلەرى، كۇزەت قۇرىلىمدارى باسشىلارىنىڭ جۇمىستىق كەزدەسۋى ءوتىپ، وندا پوليتسەيلەر مەن كۇزەت قىزمەتتەرىنىڭ كورمە قۇرىلىسى اۋماعىندا قوعامدىق ءتارتىپتى قورعاۋ بويىنشا ۇيلەستىرىلگەن جۇمىسىنىڭ ماسەلەلەرى تالقىلاندى.
