ەكسپو-2017: زاماناۋي قۇرىلىس نىساندارى بوي كوتەرەدى

استانادا باس قوسقان ساۋلەتشىلەر مەن كاسىپكەرلەر، شەتەلدىك ينۆەستورلار، قۇرىلىس يندۋسترياسىنداعى مۇمكىندىكتەردى سارالادى.

ەلىمىزدە وتەتىن EXPO-2017 حالىقارالىق كورمەسى الدىمەن كاسىپكەرلىككە كەڭىنەن جول اشادى. سوندىقتان كورمە جۇمىستارىنا اتسالىساتىن كاسىپورىندار وتاندىق ءوندىرىستى دامىتۋعا دا كۇش سالۋى كەرەك.

قازاقستاننىڭ ۇلتتىق كاسىپكەرلەر پالاتاسى قازىر وسى تۇرعىدا جۇمىستى جانداندىرۋدا. ءوز كەزەگىندە ساۋلەتشىلەردىڭ دە EXPO جوباسىنا قوساتىن ۇلەسى كەڭىنەن ءسوز بولدى. يننوۆاتسيالىق ماتەريالداردى پايدالانۋ، قۇرىلىس فيزيكاسىن جەتىلدىرۋ تاسىلدەرىن جان-جاقتى تۇسىندىرگەن گەرمانيا، قىتاي ەلدەرىنەن كەلگەن ساۋلەتشىلەر حالىقارالىق كورمەنىڭ ماڭىزدى تۇستارىنا توقتالدى.

اقمىرزا رۇستەمبەكوۆ، ق ر ساۋلەتشىلەر وداعىنىڭ پرەزيدەنتى:

- EXPO- عا كەلسەك، بۇل جەردە تاڭقالدىراتىن ساۋلەت ونەرىنىڭ شىعارماشىلىقتارى ەلگە كەلىپ جاتىر. ارينە، بۇعان ەڭ ۇزدىك دۇنيەجۇزىنىڭ قۇرىلىس ماتەريالدارىن، تەحنولوگيالارىن نانو- تەحنولوگيالارىن كىرگىزۋىمىز كەرەك. جوبا باستالماستان بۇرىن ءبىرىنشى شەشىمدى قابىلدايتىن -  ساۋلەتشىلەر. سول سەبەپتى ساۋلەتشىلەردىڭ ماڭىزى دا، جاۋاپكەرشىلىگى دە زور دەپ ەسەپتەيمىز.

www.24.kz