قازاقستاندىقتار ءۇشىن ەكسپو-2017 كورمەسىنە كىرۋ قۇنى 125 مىڭ تەڭگەگە دەيىن جەتەدى
ساتىلىم باستالعاندا ەڭ ارزان بيلەت 4 مىڭ تەڭگە بولاتىن. سونداي-اق بيلەتتەردى كاسسالاردا ساتۋ ىسكە قوسىلعان.
قازاقستان ازاماتتارى ءۇشىن «استانا ەكسپو-2017» كورمەسىنە كىرۋ ءۇشىن تۋريستىك پاكەتتەردىڭ قۇنى 40 مىڭنان 125 مىڭ تەڭگەگە دەيىن قۇرايدى، دەپ حابارلادى «استانا ەكسپو-2017» ۇ ك» ا ق ورلەۋ جانە تۋريزم دەپارتامەنتىنىڭ ديرەكتورى اللەن ءچايجۇنىسوۆ.
10- ماۋسىمنان باستاپ www.tickets.expo2017astana.com سايتىندا ەكسپو-2017-گە بيلەتتەردى ونلاين-ساتۋ اشىلعان. ساتىلىم باستالعاندا ەڭ ارزان بيلەت 4 مىڭ تەڭگە بولاتىن. سونداي-اق بيلەتتەردى كاسسالاردا ساتۋ ىسكە قوسىلعان.
«مىسالى، 20 ادامعا ءۇش كۇنگە توپتىق تۋر: ەكونوم پاكەت 40 مىڭ تەڭگەدەن، ستاندارتتىق پاكەت 59 مىڭ تەڭگەدەن، پرەميۋم- پاكەت 125 مىڭ تەڭگەدەن باستالادى. پاكەتتەر ءبىزدىڭ اتسالىسۋىمىزبەن تىكەلەي تۋريستىك بيزنەسكە قاتىسۋشىلارمەن قۇرىلادى»، - دەدى ءچايجۇنىسوۆ قوعامدىق كەڭەس وتىرىسىندا.
وسى سوماعا ءۇش كۇندىك تۋر كىرەدى، وندا تۇرۋ ورنى، تاماقتانۋ، ترانسفەرت، گيد قىزمەتتەرى جانە كورمەگە بارۋ قاراستىرىلعان. بۇل رەتتە اۆياكولىكپەن، تەمىرجول قاتىناسىمەن كەلۋدى تاڭداۋعا بولادى نەمەسە كەلۋشىلەردىڭ قالاۋىنا بايلانىستى تولەمگە قوناق ءۇيسىز بيلەتتەردى عانا كىرگىزۋگە بولادى.
شەتەلدەن ەكسپو-2017-گە %15 كەلۋشىلەر - 300 مىڭنان 500 مىڭعا دەيىن شەتەلدىك ازاماتتار كەلەدى دەپ جوسپارلانۋدا. 2017-جىلى كورمەگە تۋريستەردى تارتۋ ماقساتىندا 37 مەملەكەتكە - ە ى د ۇ ەلدەرىنە (ەكونوميكالىق ىنتىماقتاستىق جانە دامۋ ۇيىمى)، سونداي-اق مالايزيا، سينگاپۋر جانە ب ا ءا- گە ۆيزاسىز رەجيم ەنگىزىلگەن.
