14:28, 23 - جەلتوقسان 2014 | GMT +5
ەكسپو-2017: اقمولا وبلىسىندا 100 ۇيدەن تۇراتىن قازاق اۋىلى تىگىلەدى
استانا. قازاقپارات - 2017 - جىلى استانادا وتەتىن ەكسپو كورمەسىنىڭ مەيماندارى ءۇشىن اقمولا وبلىسىندا 100 ۇيدەن تۇراتىن ەتنو اۋىل تىگىلەدى.
بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە بريفينگتە اقمولا وبلىسىنىڭ اكىمى سەرگەي كۋلاگين ءمالىم ەتتى.
«اقمولا وبلىسى ەكسپو-2017 كورمەسىنە مىندەتتى تۇردە قاتىسادى. ويتكەنى، وبلىس پەن استانا ءبىر وڭىردە ورنالاسقان. بىرىنشىدەن، بەس جىل ىشىندە وبلىسقا 5 ميلليونعا جۋىق ادام كەلەدى. ارينە، شۋچينسك، زەرەندى، ساندىقتاۋ ەكسپو- عا قاتىسادى. قورعالجىن اۋدانىن دا وعان قوسامىز دەپ ۇمىتتەنەمىن. سونىمەن قاتار 100 ۇيدەن تۇراتىن ەتنو اۋىل تىگىلەدى دەپ كۇتىلۋدە. جالپى، باسقا دا تاپسىرمالار بار، سوندىقتان اقمولا وبلىسى ەكسپو كورمەسىنە بەلسەندى اتسالىساتىن بولادى»، - دەپ اتاپ ءوتتى ءوڭىر باسشىسى.
اۆتور: جاسۇلان جولدىبايەۆ
