ەلباسى: ەۋرازيالىق ينتەگراتسيا باستالاتىن 2015-جىل تاريحتا قالادى
بۇل تۋرالى بۇگىن جوعارى ەۋرازيالىق ەكونوميكالىق كەڭەس وتىرىسىنان كەيىن باسپا ءسوز كونفەرەنتسياسىندا ءسوز سويلەگەن ق ر پرەزيدەنتى نۇرسۇلتان نازاربايەۆ ايتتى.
«ارينە، الەمدىك نارىقتاردىڭ تۇراقسىزدىعى، سانكتسيالاۋ ساياساتى، الەمنىڭ جەتەكشى دەرجاۆالارىنىڭ اراسىنداعى سەنىمنىڭ السىرەۋى، اسكەري-ساياسي جاعدايدىڭ شيەلەنىسۋ قاۋپى - وسىنىڭ بارلىعى ەۋرازيالىق ەكونوميكالىق وداقتىڭ قالىپتاسۋ پروتسەسىنە اسەرىن تيگىزەدى. ءبىز بۇل سىن-قاتەرلەردى ەسكەردىك. سوندىقتان ە ا ە و-عا مۇشە ەلدەر 21- عاسىردىڭ سىن-قاتەرلەرىنە جاۋاپ بەرۋ ءۇشىن ەكونوميكالىق الەۋەتىن بىرىكتىردى»، - دەدى ن. نازاربايەۆ.
وسىعان بايلانىستى، ول قۇرىلىپ وتىرعان ينتەگراتسيالىق بىرلەستىكتىڭ قاتىسۋشىلارىن «كۇردەلى جۇمىسقا، جاڭا سىن-قاتەرلەرگە دايىن بولۋعا» شاقىردى، دەپ جازادى ت ا س س.
«ءبىزدىڭ ە ا ە و-قا جولىمىز ەكى ونجىلدىق ۋاقىتتى الدى، وسى ۋاقىت ىشىندە ول سوناۋ 1994-جىلى العا تارتىلعان يدەيادان بۇگىنگى ناقتى تاجىريبەلىك شەشىمدەرگە اينالدى»، - دەپ اتاپ ءوتتى قازاقستان پرەزيدەنتى.
مەملەكەت باسشىسى ينتەگراتسيالىق ۇردىستەر ارقىلى قاتىسۋشىلار اراسىندا دوستىق، تاتۋ كورشىلىك پەن سەنىم، سونداي-اق ەگەمەندىگىمىزدىڭ قاعيداتتارى نىعاياتىنىن اتاپ ءوتتى.
«بەرىك، ءبىرىڭعاي ەكونوميكالىق ىرگەتاس قۇرا وتىرىپ، ءبىز دوس، تاتۋ كورشى ەلدەر، حالىقتار اراسىنداعى سەنىمدى نىعايتامىز. بۇگىندە ءبىز بەيبىتشىلىك، كەلىسىم، ءوزارا قولداۋدىڭ ەلدەر ءۇشىن ءتيىمدى، قۋاتتى، ۇزاق مەرزىمدى باعىتىن ايقىندايمىز. سونىمەن قاتار، ەكونوميكالىق بىرىگۋ ارقىلى بارلىق قاتىسۋشى مەملەكەتتەر ساياسي ەگەمەندىك پەن تاۋەلسىزدىكتىڭ، مادەني، تىلدىك احۋالدىڭ بىرەگەي قاعيداتتارىن نىعايتادى»، - دەپ ول.
سونداي-اق، ەلباسى: «ءبىزدىڭ ينتەگراتسيامىز ەكونوميكالىق سەرىكتەستىكتىڭ تاماشا ۇلگىسىنە اينالۋى ءۇشىن، ە ا ە و قاتىسۋشىلارىنىڭ قاتارى كەڭەيۋى ءۇشىن قولدان كەلگەننىڭ ءبارىن جاساۋىمىز كەرەك. ءبىزدىڭ ەكونوميكالىق وداعىمىز بۇكىل الەمنىڭ بارلىق ينتەگراتسيالىق بىرلەستىكتەرىمەن، سونىڭ ىشىندە ە و-مەن ءوزارا ءتيىمدى ىنتىماقتاستىق ءۇشىن دە اشىق»، - دەپ اتاپ ءوتتى.
ءوز ءسوزىنىڭ سوڭىندا ق ر پرەزيدەنتى قاتىسۋشى مەملەكەتتەردى ە ا ە و- نىڭ قۇرىلۋىمەن قۇتتىقتادى.
«قازاقستان، رەسەي، بەلارۋس، ارمەنيا، قىرعىزستان ەلدەرىنىڭ ازاماتتارىن ەۋرازيالىق ەكونوميكالىق وداقتىڭ قۇرىلۋىمەن قۇتتىقتايمىن. اق جول تىلەيمىن!» - دەدى مەملەكەت باسشىسى.
