قازاقستان حالقى اسسامبلەياسىنىڭ جىلى بولىپ 2015-جىل جاريالاندى

ول اقوردا سايتىندا ورنالاستىرىلعان. قازاقپارات قۇجاتتىڭ ءماتىنىن تاراتادى.

2015-جىلدى قازاقستان حالقى اسسامبلەياسىنىڭ جىلى دەپ جاريالاۋ تۋرالى ەلدەگى قوعامدىق كەلىسىمدى ودان ءارى نىعايتۋ، قازاقستان حالقى اسسامبلەياسىنىڭ قازاقستان حالقىنىڭ ۇلتتىق بىرلىگىن قامتاماسىز ەتۋدەگى ءرولىن ارتتىرۋ ماقساتىندا قاۋلى ەتەمىن:

1. 2015-جىل قازاقستان حالقى اسسامبلەياسىنىڭ جىلى دەپ جاريالانسىن.

2. قازاقستان حالقى اسسامبلەياسىنىڭ جىلىن ۇيىمداستىرۋ جانە وتكىزۋ جونىندەگى مەملەكەتتىك كوميسسيا (بۇدان ءارى - مەملەكەتتىك كوميسسيا) قۇرىلسىن.

3. مىنالار:

1) مەملەكەتتىك كوميسسيا تۋرالى ەرەجە؛

2) مەملەكەتتىك كوميسسيانىڭ قۇرامى بەكىتىلسىن.

4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ن. نازاربايەۆ

استانا، اقوردا، 2014-جىلعى 29- تامىز

901№