پرەزيدەنتتىك سايلاۋ: 200 دەن اسا شەتەلدىك جۋرناليست تىركەلدى
«جاقىندا شەتەلدىك ب ا ق وكىلدەرىن اككرەديتتەۋ پروتسەسى اياقتالدى. ەلەكتورالدى كەزەڭدە ق ر سىرتقى ىستەر مينيسترلىگى ق ر ورتالىق سايلاۋ كوميسسياسىمەن (و س ك) بىرلەسىپ شەت مەملەكەتتەردەن، حالىقارالىق ۇيىمداردان، سونداي-اق شەتەلدىك ب ا ق وكىلدەرىن اككرەديتتەۋ ماسەلەلەرىندە ءتيىستى جۇمىس اتقارىلدى.
جالپى، ق ر س ءى م الەمنىڭ 40 تان استام ەلىنەن 227 شەتەلدىك كوررەسپوندەنتتى اككرەديتتەدى (انىقتاما: 2015 -جىلى پرەزيدەنتتىك سايلاۋعا 168 شەتەلدىك ب ا ق وكىلى تىركەلگەن بولاتىن). سونىمەن قاتار، مينيسترلىك جانىندا تۇراقتى نەگىزدە شەتەلدىك ب ا ق-تىڭ 121 شەتەلدىك كوررەسپوندەنتى تىركەلگەن. بۇل الەمدىك قوعامداستىقتىڭ ءبىزدىڭ ەلىمىزگە دەگەن جوعارى قىزىعۋشىلىقتىڭ جانە مەملەكەتتىڭ ساياسي جانە الەۋمەتتىك ومىرىندەگى بولىپ جاتقان وزگەرىستەردىڭ ايقىن كورىنىسى»، - دەلىنگەن مينيسترلىك حابارلاماسىندا.
شەتەلدىك جۋرناليستەر سىرتقى ساياسي ۆەدومستۆو بەرگەن تۇراقتى نەمەسە ۋاقىتشا اككرەديتتەۋ تۋرالى كۋالىك بولعان جاعدايدا سايلاۋدى باقىلاۋدى جۇزەگە اسىرۋعا قۇقىلى ەكەنىن اتاپ وتكەن ءجون.
سونىمەن قاتار، «سايلاۋ تۋرالى» كونستيتۋتسيالىق زاڭدا شەت مەملەكەتتەر مەن حالىقارالىق ۇيىمداردىڭ بايقاۋشىلارىنا، سونداي-اق شەتەلدىك ب ا ق وكىلدەرىنە اككرەديتتەۋ تۋرالى كۋالىكتى ۇسىنعان جاعدايدا اۋدارماشىمەن ىلەسىپ جۇرۋىمەن سايلاۋعا قاتىسۋعا مۇمكىندىك بەرەتىن نورما بەكىتىلگەن.