ۇلتتىق بانك 2006 جانە 2014 -جىلعى 1000 تەڭگەلىك اقشالاردىڭ اينالىستا بولۋ كەزەڭىن ۇزارتتى
بانكتىڭ اقپاراتىنا سايكەس، اتالعان كۇنگە دەيىن بۇل بانكنوتتار زاڭدى تولەم قۇرالى بولىپ تابىلادى جانە قازاقستان رەسپۋبليكاسىنىڭ بۇكىل اۋماعىندا تولەمدەر جانە بانك وپەراتسيالارى ءۇشىن قانداي دا بولماسىن شەكتەۋسىز پايدالانىلادى. 2006 -جىلعى ۇلگىدەگى نومينالى 1000 تەڭگەلىك بانكنوتتاردى ۇلتتىق بانكتىڭ بارلىق فيليالدارىندا ولاردىڭ اينالىستا بولۋىنىڭ اياقتالۋ كۇنىن كۇتپەي ايىرباستاۋعا بولادى. ودان كەيىن 12 اي ىشىندە 2017 -جىلعى 1 -ناۋرىز 2018 -جىلعى 28 -اقپان ارالىعىندا قوسا العاندا كورسەتىلگەن بانكنوتتار كەز كەلگەن ەكىنشى دەڭگەيدەگى بانكتە ايىرباستالادى.
ق ر ۇلتتىق بانكىنىڭ بارلىق فيليالدارىندا 2006 -جىلعى ۇلگىدەگى نومينالى 1000 تەڭگەلىك بانكنوتتار ايىرباستاۋ ءۇشىن 2021 -جىلعى 28 -اقپانعا دەيىن قابىلدانادى. ۇلتتىق بانك فيليالدارى بۇل بانكنوتتاردى كوميسسيا الماي ايىرباستايدى. بۇل رەتتە ۇلتتىق بانك زاڭدى تولەم قۇرالى بولىپ تابىلاتىن نومينالى 1000 تەڭگەلىك ەسكەرتكىش بانكنوتتاردىڭ اينالىستا ەكەندىگىن حابارلايدى.
قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە سايكەس اينالىستاعى بانكنوتتاردى قابىلداۋدان باس تارتۋ شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا بەس، ورتا كاسىپكەرلىك سۋبەكتىلەرىنە ون، ىرى كاسىپكەرلىك سۋبەكتىلەرىنە جيىرما بەس ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى.
بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ بانكنوتتاردى قابىلداۋدان، ۇساقتاۋدان جانە ايىرباستاۋدان باس تارتۋى ەلۋ ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى.
