قاڭتار ايىندا شەتەلگە 2,6 تريلليون تەڭگە اۋدارىلعان - اگەنتتىك

نۇر- سۇلتان. قازاقپارات - بيىل قازاقستاننان شەتەلگە اۋارىلعان قاراجاتتىڭ سوماسى 30 پايىزعا از بولدى.

بۇل تۋرالى قارجىلىق مونيتورينگ اگەنتتىگىنىڭ ءتوراعاسى جانات ەليمانوۆ ءمالىم ەتتى، دەپ حابارلايدى قازاقپارات ءتىلشىسى.

«ق ر قارجىلىق مونيتورينگى اگەنتتىگى كاپيتالدى شىعارۋدى باقىلاۋ شارالارىن كۇشەيتۋ بويىنشا جۇرگىزىلىپ جاتقان جۇمىسقا قاتىستى دەپۋتاتتىق ساۋالدى قارادى. كاپيتالدى زاڭسىز شىعارۋعا جول بەرمەۋ ماقساتىندا قارجى رەتتەۋشىلەرى - ۇلتتىق بانك (جانە قارجى نارىعىن رەتتەۋ جانە دامىتۋ اگەنتتىگىمەن (ق ن ر د ا) بىرلەسىپ، كۇدىكتى ترانسشەكارالىق اۋدارىمداردىڭ كۇشەيتىلگەن مونيتورينگى جولعا قويىلدى. اعىمداعى جىلى جالپى سوماسى 150 ميلليارد تەڭگەدەن اساتىن ەلدەن تىس جەرلەرگە زاڭسىز اۋدارۋ تاۋەكەلى جوعارى كۇدىكتى وپەراتسيالار 3 ەسە كوپ توقتاتىلدى جانە قۇقىق قورعاۋ ورگاندارىنا جىبەرىلدى. قابىلدانىپ جاتقان شارالار ەسەبىنەن شەتەلگە اقشا قاراجاتىن شىعارۋدىڭ قانداي دا ءبىر اۋىتقۋشىلىعى بايقالمايدى. كەرىسىنشە، بيىل شەتەلگە 30 پايىزعا از اۋدارىلدى»، - دەدى ج. ەليمانوۆ دەپۋتاتاتتىق ساۋالعا جاۋاپ بەرە وتىرىپ.

وسى ورايدا ول قاڭتار ايىندا شەتەلدىك اۋدارىمدار تۋرالى ايتىپ بەردى. «وسىلايشا، كۇدىكتى جانە شەكتى وپەراتسيالار تۋرالى دەرەكتەرگە سايكەس، بيىلعى قاڭتار ايىندا شەتەلگە اۋدارىمدار كولەمى 2,6 تريلليون تەڭگەنى قۇرادى (2021 -جىلدىڭ سايكەس كەزەڭىندە - 3,5 تريلليون تەڭگە). وپەراتسيالاردىڭ 92 پايىزى 9 ەلگە تيەسىلى:

ا ق ش-1,1 تريلليون تەڭگە؛

رەسەي - 814 ميلليارد تەڭگە؛

ۇلى بريتانيا - 176 ميلليارد تەڭگە؛

قىتاي- 80 ميلليارد تەڭگە؛

گەرمانيا - 79,7 ميلليارد تەڭگە؛

ليحتەنشتەين - 44,5 ميلليارد تەڭگە؛

شۆەيساريا - 43,8 ميلليارد تەڭگە؛

گونكونگ - 30 ميلليارد تەڭگە جانە ب ا ا - 29,4 ميلليارد تەڭگە»، - دەدى اگەنتتىك باسشىسى.

ايتا كەتەيىك، بيىل اقپان ايىنىڭ باسىندا ءماجىلىس دەپۋتاتتارى قاڭتارداعى قايعىلى وقيعالار كەزىندە قازاقستاننان شەتەلگە قانداي كولەمدە قارجى شاعارىلعانىن انىقتاۋ ءۇشىن ساۋال جولداعان بولاتىن. بۇل دەپۋتاتتىق ساۋالدا سوڭعى 25 جىلدا قازاقستاننان شەتەلدىك وفشورلارعا شامامەن 140-160 ميلليارد ا ق ش دوللارى شىعارىلعانى اتاپ وتىلگەن.

ەسكە سالساق، ق ر پرەزيدەنتى ۇكىمەت وتىرىسىندا شەتەلگە زاڭسىز شىعارىلعان قارجىنى قايتارۋ جونىندە تاپسىرما بەرگەن ەدى.

اۆتور: رۋسلان عابباسوۆ