كەلەر جىلعا قاراي اپورت باقشاسىنىڭ اۋماعى 2,5 مىڭ گەكتارعا دەيىن ۇلعايادى - ق ر پرەزيدەنتى
بۇل تۋرالى ق ر پرەزيدەنتى نۇرسۇلتان نازاربايەۆ بۇگىن «اۋىلىم التىن بەسىگىم» فورۋمىندا وسىلاي ءمالىم ەتتى.
ىلە الاتاۋ اتاقتى اپورتتىڭ وتانى. ونى قايتا قالپىنا كەلتىرۋ جۇمىستارى باستالدى. بۇگىندە 14,2 مىڭ گەكتار باۋ- باقشا بار. ونىڭ شامامەن ەكى مىڭىندا اپورت وسىرىلەدى. 2016 - جىلعا قاراي اۋماعى 2,5 مىڭ گەكتارعا دەيىن ارتىپ، جىل سايىن ءۇش توننادان استام الما جينالاتىن بولادى.
وبلىستاعى شارۋاشىلىقتار ءوسىرىپ جاتقان جەمىس- كوكونىس ونىمدەرى وڭدەۋ كاسىپورىندارىن جۇمىسپەن قامتاماسىز ەتەدى.
اتاپ ايتقاندا، ەڭبەكشى قازاق اۋدانىنداعى «ايداربايەۆ» شارۋا قوجالىعىنىڭ جەكە باۋ- باقشاسى بار. ولار وزدەرى تابيعي شىرىن ازىرلەپ، تۇتىنۋشىلارعا وتكىزەدى. «گولد پرودۋكت» ، «ەسىك جەمىس- جيدەك كونسەرۆىلەۋ زاۋىتى» كاسىپورىندارى شارۋا قوجالىقتارىمەن بىرلەسىپ جىلىنا جەتى توننا جەمىس- كوكونىس كونسەرۆىلەرىن، 10 ميلليون ليتر شىرىن مەن شاراپ شىعارادى.
«قانت قىزىلشاسىن ءوسىرۋدى قالپىنا كەلتىرۋ بويىنشا قىرۋار جۇمىستار اتقارىلۋدا»، - دەپ اتاپ ءوتتى نۇرسۇلتان نازاربايەۆ. بيىلعى جىلى وبلىستا قانت قىزىلشاسىن وسىرۋگە 4 مىڭ گەكتار جەر بولىنبەكشى. قىزىلشا ەگەتىن 4 شارۋاشىلىق كوكتەمگى ەگىستىك جۇمىستارىنا كىرىسىپ كەتتى.
وبلىس اكىمى اماندىق باتالوۆتىڭ تاپسىرماسىمەن «جەتىسۋ» ا ك ب بيىل ايماقتىڭ قىزىلشا ەگەتىن شارۋاشىلىقتارىن تۇقىممەن قامتاماسىز ەتۋدە. ءساۋىر ايىنىڭ سوڭىنا دەيىن ولاردى ەسكەلدى، اقسۋ، سارقان جانە قاراتال اۋداندارىنىڭ شارۋاشىلىقتارى الادى. كوكسۋ اۋدانى قازىردىڭ وزىندە قامتاماسىز ەتىلدى.
بۇدان باسقا، «جەتىسۋ» ا ك ب ماشينا- تراكتور ستانسالارى قىزمەت كورسەتۋ- دايارلاۋ ورتالىقتارىنىڭ جەلىلەرىن ۇيىمداستىرۋ بويىنشا الەۋمەتتىك جوبانى ىسكە اسىرىپ جاتىر.
