بىلتىر 2 تريلليون تەڭگەگە 160-قا جۋىق ينۆەستيتسيالىق جوبا ىسكە اسىرىلدى
«2022 -جىلدىڭ قورىتىندىسى بويىنشا ءوڭدىرۋشى ونەركاسىپتە وڭ ءۇردىس بايقالىپ، جيىنتىق كورسەتكىش % 103,4- دى قۇرادى. ونىڭ قاتارىندا ماشينا جاساۋ سالاسى اۆتوكولىك قۇرالدارى، ترەيلەرلەر مەن جارتىلاي تىركەمەلەر، ەلەكتر جابدىقتارى، ماشينالار مەن وزگەدە جابدىقتاردى شىعارۋ بار. سونداي- اق، باسقا كىشى سالالار ەسەبىنەن % 9,4 دەڭگەيىندە تۇراقتى ءوسىمدى كورسەتىپ وتىر. سول سياقتى ءتۇستى مەتاللۋرگيادا ناقتى كولەم يندەكسى % 105,5 قۇرادى»، - دەدى مارات قارابايەۆ ۇكىمەت وتىرىسىندا.
ءمينيستردىڭ ايتۋىنشا، وتكەن جىلى ەلىمىزدە تازارتىلعان مىس، قۇيما التىن، تازارتىلعان التىن مەن كۇمىستى ءوندىرۋ كولەمى ارتقان.
«حيميا ونەركاسىبىندە ءوندىرىس كولەمى % 10,2 ءوستى. كومىرتەگى ديوكسيدى، حلور، تۇز قىشقىلى، كۇكىرت قىشقىلى، سۇيىق اممياك ءوندىرىسىنىڭ كولەمى ۇلعايدى. جەڭىل ونەركاسىپتە ءوندىرىس كولەمى توقىما بۇيىمدارى، كيىم جانە بىلعارى ونىمدەر ءوندىرىسىنىڭ ءوسۋى ەسەبىنەن % 6- عا ارتتى. قۇرىلىس ماتەريالدارى ءوندىرىسىنىڭ كولەمى گيپس، قۇرىلىس ەرىتىندىسى جانە كىرپىشتەر ءوندىرىسىنىڭ ءوسۋى ەسەبىنەن % 1,3 ءوستى. 2022 -جىلدىڭ قورىتىندىسى بويىنشا جالپى سوماسى 2 تريلليون تەڭگەگە 160-قا جۋىق ينۆەستيتسيالىق جوبا پايدالانۋعا بەرىلدى. جوبالار ەكسپورتتىق الەۋەتتى ۇلعايتا وتىرىپ، وندەۋشى ونەركاسىپتىك ءوندىرىس كولەمىن ودان ءارى ارتتىرۋعا مۇمكىندىك بەرەدى»، - دەيدى ول.
اۆتور
داۋلەت ىزتىلەۋ
