مەملەكەت باسشىسى تۋرالى «پرەزيدەنت 2.0» دەرەكتى فيلمى جەلىدە جاريالاندى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆتىڭ بەلگىلى رەسەيلىك جۋرناليست الەكسەي پيۆوۆاروۆقا بەرگەن سۇحباتىنىڭ نەگىزىندەگى «پرەزيدەنت 2.0» دەرەكتى فيلمى جەلىدە جاريالاندى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.
«21- شىلدەدە «31- ارنادان» مەملەكەت باسشىسى قاسىم-جومارت توقايەۆتىڭ بەلگىلى رەسەيلىك جۋرناليست الەكسەي پيۆوۆاروۆقا بەرگەن سۇحباتىنىڭ نەگىزىندە «پرەزيدەنت 2.0» دەرەكتى فيلمى كورسەتىلگەن ەدى.
اڭگىمە بارىسىندا قازاقستان پرەزيدەنتى ءوزىنىڭ ءومىربايانىنا، ديپلوماتيالىق قىزمەتىنە جانە جەكە ۇستانىمدارىنا قاتىستى سۇراقتارعا اشىق جاۋاپ بەرگەن بولاتىن.
«31- كانال» وسى سۇحباتتى وزدەرىنىڭ YouTube ارناسىنا ورنالاستىرعان ەكەن.
كورمەي قالعاندار بولسا، يۋتۋب ارناسىنان كورۋلەرىنە بولادى»، دەپ جازدى بەرىك ءۋالي Facebook-تەگى پاراقشاسىندا.
