شەتەلدىك كولىكتەردى زاڭداستىرۋ 1-شىلدەدەن كەيىن دە جالعاسۋى ىقتيمال

None
استانا. قازاقپارات - شەتەلدىك كولىكتەردى زاڭداستىرۋ 1-شىلدەدەن كەيىن دە جالعاسۋى مۇمكىن. بۇل تۋرالى ىشكى ىستەر مينيسترلىگىنىڭ اكىمشىلىك پوليتسيا كوميتەتى اشىق ن ق ا پورتالىندا جاريالاعان قاۋلى- جوباسىندا جازىلعان، دەپ حابارلايدى قازاقپارات ءتىلشىسى.

«ازاماتتارعا زاڭداستىرۋ شارتتارى تۋرالى الدىن الا حابارلانعانىنا قاراماستان، كوپتەگەن اۆتوموبيلدەر بۇرىنعى تىركەۋ ورنى بويىنشا ەسەپتەن شىعارىلمادى نەمەسە تىركەۋ ارەكەتتەرىن جاساۋعا تىيىم سالۋلار مەن شەكتەۋلەرگە بايلانىستى زاڭداستىرۋدان وتكەن جوق.

ماسەلەن، 8-ماۋسىمداعى جاعداي بويىنشا 365 مىڭنان استام ءوتىنىش كەلىپ ءتۇستى. بۇل رەتتە تەك 144320 اۆتوموبيل باستاپقى تىركەۋدەن ءوتتى، تاعى 14 مىڭنان استام كولىك نومىرلىك تەكسەرۋدەن ءوتىپ، تىركەۋىن كۇتىپ وتىر. وسىعان بايلانىستى، ەگەر ءتيىستى وتىنىشتەر 2023 -جىلعى 1-شىلدەگە دەيىن بەرىلگەن بولسا، ازاماتتارعا اۆتوموبيلدەردى كەيىننەن زاڭداستىرۋ مۇمكىندىگى بەرىلەدى»، - دەپ جازىلعان وزگەرىس ەنگىزىلگەلى وتىرعان ۇكىمەت قاۋلىسىنىڭ جوباسىندا.

قۇجات 23-ماۋسىمعا دەيىن كوپشىلىك تالقىلاۋدا بولادى. كەيىن قول قويۋ ءۇشىن پرەمەر- مينيسترگە جولدانادى.

ەسكە سالايىق، 23 -قاڭتاردان باستاپ ەلىمىزدە شەت مەملەكەتتەردەن زاڭسىز اكەلىنگەن كولىكتەردى تىركەۋ استالدى. ول 1- شىلدەگە دەيىنگى ارالىقتا جۇرەدى.

كەيىن دەپۋتاتتار اتالعان ساناتتاعى كولىكتەردى زاڭداستىرۋ ۋاقىتىن ۇزارتۋدى ۇسىندى. ولاردىڭ پايىمىنشا، بۇل ارزان ءارى ساپالى تەمىر تۇلپارلار كوپ قازاقستاندىققا وتباسىن اسىراۋدىڭ نەگىزگى قۇرالى بولىپ وتىر.

ارتىنشا، جۇرتشىلىق نارازىلىعى مەن بەلسەندىلەر باستاماسى نەگىزىندە كونسترۋكتور- كولىكتەر دە زاڭداستىرىلاتىن بولدى. بۇعان قاتىستى ۇكىمەت قاۋلىسى شىعىپ، 22 -مامىردا ولاردى تىركەۋ باستالىپ كەتتى.

سوڭعى جاڭالىقتار