ارىستانبەك مۇحامەدي ۇلىن قاماۋدا ۇستاۋ مەرزىمى تاعى 1 ايعا سوزىلدى
بۇل تۋرالى نۇر-سۇلتان قالالىق سوتتىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.
«تەرگەۋ سوتى ارىستانبەك مۇحامەدي ۇلىن قاماۋدا ۇستاۋ مەرزىمىن 1 ايعا، ياعني 26 - تامىزعا دەيىن سوزۋ جونىندە شەشىم قابىلدادى»، - دەگەن جاۋاپ بەرىلدى قالالىق سوتتىڭ باسپا ءسوز قىزمەتىنەن.
ەسكە سالساق، ق ر ۇلتتىق مۋزەي ديرەكتورى ارىستانبەك مۇحامەدي ۇلى بيىل 28 - مامىر كۇنى سوت سانكتسياسىمەن قاماۋعا الىنعان ەدى.
وعان قاتىستى «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ كەزىندە 146 ميلليون تەڭگە بيۋجەت قاراجاتىن جىمقىرۋ بەلگىلەرى بويىنشا سوتقا دەيىنگى تەرگەۋ ءجۇرىپ جاتىر.
كەيىن ق ر مادەنيەت جانە سپورت ءمينيسترى داۋرەن ابايەۆ ۇلتتىق مۋزەي ديرەكتورى ارىستانبەك مۇحامەدي ۇلىنىڭ سىبايلاس جەمقورلىق ىسىنە قاتىستى پىكىر ءبىلدىردى.
