20:43, 04 - مامىر 2022 | GMT +6
قازاقستان مەن وزبەكستان اراسىنداعى تاۋار اينالىمى 1 ميلليارد دوللاردان استى
نۇر-سۇلتان. قازاقپارات - قازاقستان پرەمەر-ءمينيسترى ءاليحان سمايىلوۆ وزبەكستان ۇكىمەتىنىڭ باسشىسى ابدۋللا اريپوۆپەن تەلەفون ارقىلى سويلەستى.
بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.
اڭگىمەلەسۋ بارىسىندا تاراپتار ەكىجاقتى قارىم-قاتىناستى تەرەڭدەتۋدىڭ، ونىڭ ىشىندە ءوزارا ساۋدا كولەمىن ارتتىرۋدىڭ، ونەركاسىپتىك كووپەراتسيا مەن سۋ شارۋاشىلىعى سالاسىنداعى ىنتىماقتاستىقتىڭ وزەكتى ماسەلەلەرىن تالقىلادى.
ءاليحان سمايىلوۆ وسى جىلدىڭ ءبىرىنشى توقسانىنىڭ قورىتىندىسى بويىنشا ەكى ەل اراسىنداعى تاۋار اينالىمى $1 ميلليارد اسقانىن، بۇل وتكەن جىلدىڭ سايكەس كەزەڭىندەگى كورسەتكىشتەن %27 عا جوعارى ەكەنىن اتاپ ءوتتى. سونداي-اق تاراپتار «ورتالىق ازيا» حالىقارالىق ونەركاسىپتىك كووپەراتسيا ورتالىعىن ىسكە قوسۋ سەكىلدى بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرىن قارادى.
