پرەزيدەنت 1 مىڭ مەكتەپ سالۋدى تاپسىردى
«ورتا ءبىلىم بەرۋ جۇيەسىندەگى تۇيىتكىلدى ماسەلەنىڭ ءبىرى مەكتەپتەگى ورىن تاپشىلىعى. قازىرگى ۋاقىتتا تاپشىلىق 225 مىڭ ورىندى قۇرايدى. بۇل ماسەلەگە قاتىستى شارۋانى بۇگىننەن باستاپ قولعا الماساق وندا 2025 -جىلعا قاراي مەكتەپتەگى ورىن تاپشىلىعى 1 ميلليونعا جەتۋى مۇمكىن. بۇعان دەيىن 2025 -جىلدىڭ سوڭىنا دەيىن ەل بويىنشا 800 مەكتەپ سالۋدى تاپسىرسام، بۇگىن ول كورسەتكىشتى 1 مىڭعا جەتكىزۋ مىندەتىن قويامىن»، - دەدى ق ر پرەزيدەنتى قاسىم- جومارت توقايەۆ.
ودان بولەك، مەملەكەت باسشىسى پەداگوگتاردىڭ بىلىكتىلىك كۋرستارىن ءوز قاراجاتى ەسەبىنەن وتۋىنە جول بەرمەۋ قاجەتتىگىن باسا ايتتى.
«ءبىلىم بەرۋ جۇيەسىنە ىنتالى جانە بىلىكتى پەداگوگتار قاجەت. مۇعالىمدەردى قايتادان وقىتۋدى 5 جىلدا ەمەس 3 جىلدا ءبىر رەت وتكىزۋ تالاپ ەتىلەدى دەپ ويلايمىن. ويتكەنى، ولار جاڭا ءبىلىمدى تاسىمالداۋشى، ناعىز اعارتۋشى بولۋى ءتيىس. بۇعان قوسا، پەداگوگتاردىڭ كۋرستاردى ءوز قاراجاتى ەسەبىنەن وتۋىنە جول بەرمەۋ قاجەت»، - دەدى ول.
اۆتور: ءالي يبرايەۆ