قازاقستاندا 1- مامىردان باستاپ كوشە اتاۋىن وزگەرتۋگە موراتوري ەنگىزىلمەك
مۇنداي ۇسىنىس قازاقستان رەسپۋبليكاسىنىڭ 2021 -جىلعى ۇلتتىق حالىق ساناعىن جۇرگىزۋ جونىندەگى ارنايى كوميسسياسىنىڭ ءبىرىنشى وتىرىسى بارىسىندا جاسالدى، دەپ حابارلايدى قازاقپارات ءتىلشىسى.
«ساپالى ساناق جۇرگىزۋ ءۇشىن كوميسسيا 2021 -جىلدىڭ 1- مامىرىنان 31 - جەلتوقسانىنا دەيىنگى ارالىقتا اكىمشىلىك- اۋماقتىق بىرلىكتەردى قۇرۋ، تاراتۋ جانە قايتا قۇرۋ، ەلدى مەكەندەردىڭ قۇرامداس بولىكتەرىنىڭ اتاۋىن وزگەرتۋ بويىنشا ۇسىنىستارعا موراتوريي ەنگىزۋ قاجەتتىلىگىن قاراستىردى»، - دەلىنگەن كوميسسيا وتىرىسىنان كەيىن تاراتىلعان اقپاراتتا.
وسىعان وراي كوميسسيا ءتوراعاسى - ق ر پرەمەر- ءمينيسترى ءاليحان سمايىلوۆ ۇلتتىق ستاتيستيكا بيۋروسىنا اتالعان ماسەلە بويىنشا پرەزيدەنت اكىمشىلىگىنىڭ بەكىتۋى ءۇشىن ۇسىنىس ازىرلەۋدى تاپسىردى. بۇعان دەيىن پرەمەر- ءمينيستردىڭ ءبىرىنشى ورىنباسارى ءا. سمايىلوۆ ستاتيستيكالىق ءوندىرىستى ودان ءارى سيفرلاندىرۋ تۇجىرىمداماسىن ماقۇلداعان بولاتىن.
بۇل Big Data كومەگىمەن دەرەكتەردى جيناۋعا، رەسپوندەنتتەرگە ەسەپ بەرۋ جۇكتەمەسىن ازايتۋعا جانە رەسمي ستاتيستيكانىڭ مەيىلىنشە ساپالى بولۋىن جانە اشىقتىعىن قامتاماسىز ەتۋگە مۇمكىندىك بەرەدى.
ايتا كەتەيىك، 2021 -جىلدىڭ 1- قىركۇيەگىنەن قازاقستاننىڭ حالىق ساناعى ونلاين باستالادى.
اۆتور: مارلان جيەمباي