سالىق راقىمشىلىعى: 1 ميلليوننان استام ادامنىڭ ءوسىمپۇلى كەشىرىلدى
بۇل تۋرالى قارجى مينيسترلىگى مەملەكەتتىك كىرىستەر كوميتەتىنەن ءمالىم بولدى، دەپ حابارلايدى قازاقپارات ءتىلشىسى.
«مەملەكەتتىك كىرىستەر كوميتەتى 2020 -جىلعى 31 - جەلتوقساندا جەكە تۇلعالارعا مۇلىك سالىعى، جەر سالىعى جانە كولىك قۇرالدارى سالىعى بويىنشا سالىق راقىمشىلىعى اياقتالعانىن حابارلايدى. جەكە تۇلعالار ءۇشىن ءوسىمپۇلدى ەسەپتەن شىعارۋ بويىنشا سالىقتىق راقىمشىلىق قازاقستان رەسپۋبليكاسىنىڭ 2020 -جىلعى 2 - شىلدەدەگى زاڭىنا سايكەس جۇرگىزىلدى. ەسەپتەن شىعارۋدىڭ باستى شارتى سالىق بويىنشا نەگىزگى قارىز سوماسىن تولەۋ بولدى. ءوسىمپۇلدى ەسەپتەن شىعارۋ ءۇشىن ەشقايدا بارۋدىڭ قاجەتى جوق ەدى. قارىزدىڭ نەگىزگى سوماسىن تولەۋ جەتكىلىكتى بولدى جانە ءوسىمپۇل اۆتوماتتى تۇردە ەسەپتەن شىعارىلدى»، - دەلىنگەن كوميتەت مالىمەتىندە.
مەملەكەتتىك كىرىستەر كوميتەتى ءوسىمپۇلداردى ەسەپتەن شىعارۋ بويىنشا اكسيا قورىتىندىسىنا سايكەس 1 ميلليوننان استام ازاماتتىڭ 2 ميلليارد تەڭگە قارىزىن ەسەپتەن شىعاردى. ۆەدومستۆو مالىمەتىنشە، 2020 -جىلعى سالىق راقىمشىلىعىن پايدالانعانداردىڭ سانى بويىنشا ناتيجەلەر 2019 -جىلعى وتكەن سالىق راقىمشىلىعىنىڭ ناتيجەلەرىنەن اسىپ تۇسكەن (2020 -جىلى 1,1 ميلليون ازامات، 2019 -جىلى 755,7 مىڭ ازامات نەمەسە 300,0 مىڭ ادامعا كوپ).
اۆتور: رۋسلان عابباسوۆ