استانادا 18 مىڭنان استام بالا العاش رەت مەكتەپكە بارادى
استانالىق ءبىر عانا №54 مەكتەپ- ليسەيىنىڭ ءبىرىنشى سىنىبىنا 300 بالا بارادى. مەكتەپ ديرەكتورى شاكارىم سەيسەنبايدىڭ ايتۋىنشا، وقۋشىلار العاشقى ساباقتا قالانىڭ تاريحى مەن دامۋ جولى تۋرالى بايانداپ، كورىكتى جەرلەرىمەن جانە شاھاردا وتكەن ەرەكشە شارالارمەن بولىسەدى.
«40 مينۋتقا جالعاساتىن ساباقتىڭ ۇستىندە بالالار ءبىلىم ەلىنە قىزىقتى ساياحاتقا اتتانادى، قالانىڭ پايدا بولۋ تاريحىمەن تانىسادى. سونداي- اق، ارنايى كابينەتتە تانىمدىق ويىندار وتكىزىلەدى. بيىل جالپى 10 سىنىپ اشۋدى جوسپارلاپ وتىرمىز، ءارقايسىسىندا 30 بالادان وقيتىن بولادى»، - دەدى ش. سارسەنباي
ءبىلىم باسقارماسىنىڭ مالىمەتىنشە، بيىلعى جىلى قالا بويىنشا ءبىرىنشى سىنىپقا 18 مىڭنان استام بالا بارادى. 150 مىڭنان استام وقۋشى قالا مەكتەپتەرىندە ءبىلىم الۋعا دايىندالىپ ءجۇر.
قازىرگى تاڭدا استانا بويىنشا 105 مەكتەپ جۇمىس جاسايدى. ولاردىڭ قاتارىندا مەملەكەتتىك مەكتەپتەر سانى - 85، كەشكى - 1، جەكەمەنشىك- 15، رەسپۋبليكالىق ماڭىزى بار 4 مەكتەپ بار.
