استاناعا 18 ەلدىڭ پرەزيدەنتتەرى كەلەدى
كەپتەلىستەر دە كوپ بولۋى ابدەن مۇمكىن. بۇل تۋرالى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى تالعات مۇساقانوۆ ايتتى، دەپ حابارلايدى قازاقپارات ءتىلشىسى.
«ەندى، ەكسپو- نىڭ جابىلۋى كەزىندە يسلام ەلدەرىنىڭ سامميتى وتەدى. وسىعان بايلانىستى 18 ەلدىڭ باسشىلارى كەلەدى دەگەن جوسپار بار. تاعى 20-سى (ۇكىمەت باسشىلارى - اۆت.) بويىنشا ءتيىستى جۇمىستار اتقارىلىپ جاتىر. ءسويتىپ، شامامەن 50 (رەسمي تۇلعا - اۆت.) بولادى. شىنى كەرەك، قالا قوزعالىسىنا ۇلكەن سالماق تۇسەدى. ويتكەنى ءاربىر مەملەكەت باسشىسىمەن بىرگە ءجۇرۋىمىز كەرەك. ولار 8 قوناقۇيدە جانە 2 رەزيدەنتسيادا جاتادى. بارلىعى ەكسپو- نىڭ جابىلۋىنا قاتىسادى»، - دەدى مۇساقانوۆ بۇگىن استانادا وتكەن باسپا ءسوز ءماسليحاتىندا.
ونىڭ ايتۋىنشا، «استانا - ەكسپو-2017» ۇلتتىق كومپانياسى بۇقارالىق اقپارات قۇرالدارى ارقىلى كوشەلەردىڭ جابىلۋىنا قاتىستى اقپاراتتى تاراتۋى ءتيىس. «كولىك كەپتەلىستەرىن بارىنشا ازايتۋعا تىرىسامىز. دەگەنمەن، ءسال شىداي تۇرۋعا تۋرا كەلەدى. ويتكەنى قازىردىڭ وزىندە 30 ەلدىڭ وكىلدەرى كەلەتىندەرىن راستادى. سوندىقتان ول كۇنى قالا تۇرعىندارىنا ءوز كولىكتەرىمەن جۇرمەۋگە كەڭەس بەرەمىز. ەكسپو- نى كورگەندەر قالانىڭ سىرتىنا شىعىپ، تىنىعىپ كەلسە دە بولادى»، - دەپ اتاپ كورسەتتى پوليتسيا باسشىسىنىڭ ورىنباسارى.
اۆتور: ارمان اسقاروۆ